Gujarati News

Gujarati News

News of Friday, 22nd June 2018

મલ્લિકા શેરાવત નજરે પડશે ટીવી શોમાં

મુંબઇ:એક સમયે સેક્સ બોમ્બના હુલામણા નામે જાણીતી અભિનેત્રી મલ્લિકા શેરાવત એક અમેરિકી હિટ ટીવી શોની ભારતીય આવૃત્તિમાં ચમકશે એવી જાણકારી મળી હતી. આ અમેરિકી શો ધ ગૂડ વાઇફ અમેરિકા અને યૂરોપના દેશોમાં હિટ નીવડયો છે. અમેરિકામાં તો આ શો સાત સીઝન સુધી હિટ રહ્યો હતો અને ૨૦૧૬માં પૂરો થયો હતો. હવે એનું ભારતીયકરણ રજૂ થવાનું છે. એનું નિર્માણ અને એમાં અભિનય બંને મલ્લિકા કરવાની છે.  હતી.  ધ ગૂડ વાઇફમાં મુખ્ય પાત્ર એલિશિયા ફ્લોરિક અભિનેત્રી જુલિયાના માર્ગ્યુલીઝે ભજવ્યું હતું. ભારતીય શોમાં આ પાત્ર મલ્લિકા પોતે કરવાની છે.  આ અંગે બોલતાં મલ્લિકાએ કહ્યું કે આ શો રજૂ કરવાના મુદ્દે હું ખૂબ ઉત્તેજિત છું. સીબીએસે મારા પર વિશ્વાસ રાખીને મને આ શો કરવાની પરવાનગી આપી એ માટે હું ગૌરવ અનુભવું છું. હું મૂળ શોનું સ્ટાન્ડર્ડ જાળવીને મુખ્ય પાત્રને સાર્થક કરવાનો બેસ્ટ પ્રયાસ કરીશ. આ સિરિયલના અન્ય પાત્રો વિશે હજુ કશું નક્કી થયું નથી એમ મલ્લિકાના પ્રવક્તાએ કહ્યંુ હતું. છેલ્લે મલ્લિકા ચાઇનીઝ ફિલ્મ ટાઇમ રેઇડર્સ (૨૦૧૬) માં દેખાઇ હતી.

(4:42 pm IST)
  • અમદાવાદનાં પૂર્વ વિસ્તારોમાં ભારે પવન સાથે ઝાપટા : અમદાવાદના પૂર્વ વિસ્તારોમાં આજે સાંજે વરસાદનુ આગમન થતા વાતાવરણમા ઠંડક પ્રસરી ગઇ હતી. : નરોડા,નારોલ,વસ્ત્રાલ સહિતના વિસ્તારોમાં ભારે પવન ફુંકાયો હતો અને વરસાદી ઝાપટા વરસ્યા હતા.વરસાદ પડતા બફારામાંથી લોકોને રાહત મળી હતી. access_time 7:30 pm IST

  • સુરતના અઠવા વિસ્તારમાં જુગારની ક્લબમાં ડીજી વિજિલન્સનો સ્થાનિક પોલીસને ઊંઘતી રાખીને દરોડો ;પીઆઇ કે કે ઝાલાને સસ્પેન્ડ કરાયા :પોલીસ કમિશનરના આકરા પગલાંથી બેડામાં ફફડાટ :પીઆઇ ઝાલા અગાઉ રાજકોટમાં એસઓજી સહિતના પોલીસ મથકોમાં અનેક મહત્વની કામગીરી બજાવી ચુક્યા છે access_time 12:55 am IST

  • રણવીર-દીપિકા 10 નવેમ્બરે કરશે લગ્ન? : મુંબઇમાં વહેતી થયેલી વાતો અનુસાર દીપિકા પાદુકોણ અને રણવીર સિંહ 10 નવેમ્બર, 2018ના રોજ લગ્ન કરશે. આ એક ડેસ્ટિનેશન વેડિંગ હશે. જેમાંનું એક ફંક્શન દીપિકાના હોમટાઉન બૅન્ગલોરમાં યોજાશે. બન્નેનાં લગ્ન દક્ષિણ ભારતીય પરંપરા પ્રમાણે થશે. થોડા દિવસ પહેલાં દીપિકા પોતાની મમ્મી સાથે મુંબઈની એક દુકાનમાં જોવા મળ્યા બાદ ફરી એક વાર તેમનાં લગ્નની ચર્ચાએ જોર પકડ્યું છે. access_time 5:44 pm IST