Gujarati News

Gujarati News

News of Wednesday, 21st March 2018

હેપ્પી બર્થ ડે ટુ રાની

મુંબઇ: અભિનેત્રી રાની મુખર્જીનો આજે બર્થ ડે છે. હેપ્પી બર્થ ડે ટુ યુ રાની. છેલ્લે મર્દાની ફિલ્મમાં નીડર મહિલા પોલીસ અધિકારીનો રોલ કરનારી રાની હાલ એક પુત્રીની માતા છે એટલે બહુ ઓછી ફિલ્મો કરે છે. પ્રતિષ્ઠિત બેનર યશ રાજ ફિલ્મ્સના સર્વેસર્વા આદિત્ય ચોપરાની પત્ની એવી રાનીએ છેલ્લાં વીસેક વર્ષમાં કેટલીક સરસ ફિલ્મો આપી હતી. આજે ૩૯ વર્ષની થયેલી રાનીએ કેટલીક ફિલ્મો હિંમતભેર કરી હતી જેમાં એક યા બીજા પ્રકારનો સંદેશ વણી લેવાયો હતો. ૧૯૯૭-૧૯૯૮માં પહેલીજ ફિલ્મ રાજા કી આયેગી બરાતમાં એણે બળાત્કારનો ભોગ બનેલી યુવતીનો રોલ કર્યો હતો તો બીજી ફિલ્મ મહેંદીમાં દહેજના વિષયને વણી લેવાયો હતો. દુર્ભાગ્યે આ બંને ફિલ્મો બોક્સ ઑફિસ પર પીટાઇ ગઇ હતી. પરંતુ રાનીની અભિનય પ્રતિભાની નોંધ ટોચના ફિલ્મ સર્જકોએ લીધી હતી. ત્યારબાદ ગોવિંદા અને સલમાન ખાન સાથે થોડીક મસાલા ફિલ્મો કર્યા બાદ એણે ૨૦૦૨માં સાથીયાં ફિલ્મ કરી જે હિટ નીવડી હતી. પ્રેમ કરતું એક યુગલ લગ્ન કરવા માટે ભાગી જાય છે પરંતુ લગ્ન પછી કેવી સમસ્યાઓ ભોગવે છે એની સરસ કથા આ ફિલ્મમાં હતી. ત્યારબાદ શાહરુખ ખાન સાથે આવી ચલતે ચલતે. એ પછીની ફિલ્મ હમ તુમમાં કોઇની દયા કે સહાનુભૂતિ વગર જીવન જીવવા મથતી એક વિધવા યુવતીનો રોલ એણે કર્યો હતો. એનો સૌથી યાદગાર રોલ યશ ચોપરાની વીર ઝારા ફિલ્મમાં હતો જેમાં એણે એક ધારાશાસ્ત્રીનો સરસ રોલ કર્યો હતો.
 

(4:56 pm IST)
  • સિંગર અલકા યાજ્ઞિક આજે પોતાનો 52મો જન્મદિવસ ઉજવી રહી છે. અલકાનો જન્મ કલકત્તાના એક મધ્યમ વર્ગીય પરિવારમાં થયો હતો. અલકાએ પોતાના માતા શુભા યાજ્ઞિક પાસેથી શાસ્ત્રીય સંગીતનો અભ્યાસ કર્યો હતો. અલકાએ 1989માં નીરજ કપૂર સાથે લગ્ન કર્યા, પરંતુ તે પાછલા 25 વર્ષથી પતિથી અલગ રહે છે. બન્ને વચ્ચે કોઈ મતભેદ કે ઝઘડો નથી, પણ પોતાના કામને કારણે તેમણે આ નિર્ણય લીધો છે. access_time 1:49 am IST

  • ભારે કરી.... નિદાહાસ ટ્રોફીની ફાઈનલ મેચમાં ભારત સામે બાંગ્લાદેશનો પરાજય થયો હતો. વલસાડ તાલુકાનાં વાંકલ ગામે રહેતા નિવૃત્ત શિક્ષક પ્રવીણભાઈ બાબરભાઈ પટેલ રવિવાર રાત્રે ભારત અને બાંગ્લાદેશ વચ્ચેની નિદાહાસ ટ્રોફીની ફાઈનલ મેચ પત્ની સાથે નિહાળી રહ્યા હતાં. છેલ્લા બોલે છગ્ગો ફટકારતા જ પ્રવિણભાઈનું હ્રદય હુમલો થયો, હોસ્પિટલે જતા રસ્તામાં જ કાળ ભેટી ગયો હતો. access_time 1:49 am IST

  • બોલીવુડમાં જેમના લગ્નની ચર્ચા સૌથી વધુ છે એવા દીપિકા પાદુકોણ અને રણવીર સિંહની એક તસવીરે સોશિયલ મીડિયામાં ધમાલ મચાવી છે. બંના વેડિંગ લૂકનો ફોટો વાઇરલ થયો છે. દીપિકા પાદુકોણના એક ફેન સિદ્ધાંતે સુંદર રીતે ફોટોશોપ કરીને આ તસવીરો તૈયાર કરી છે. આ તસવીરો સાથે અનેક હેશટેગ આપવામાં આવ્યા છે. એક્ટર્સ અથવા તેના પરિવાર તફથી ઓફિશિયલ કન્ફર્મેશન નથી આવ્યું. access_time 1:50 am IST