Gujarati News

Gujarati News

News of Saturday, 23rd May 2020

'ગુલાબો સિતાબો'નું ટ્રેલર રીલિઝ, માલિક અને ભાડૂઆતના ઝઘડામાં દર્શકોને પડશે મજા

આ ફિલ્મ એમેઝોન પ્રાઈમ વિડીયો પર ૧૨ જૂને રીલિઝ થશે

મુંબઇ, તા.૨૩: દેશમાં કોરોના વાયરસના કારણે લોકડાઉન ચાલી રહ્યું છે અને થિએટર પણ બંધ છે. આથી લોકોને લાંબા સમયથી કોઈ નવી ફિલ્મ જોવા નથી મળી. જોકે, હવે લોકોને વધુ રાહ નહીં જોવી પડે. હકીકતમાં મેકર્સ પોતાની ફિલ્મ્સને ઓટીટી પ્લેટફોર્મ પર રીલિઝ કરવાનું વિચારી રહ્યાં છે. આ જ કડીમાં સૌથી પહેલા ફિલ્મ શ્નગુલાબો સિતાબો'નું નામ સામે આવ્યું છે. મેકર્સે ૨૨મે ના રોજ ફિલ્મનું ટ્રેલર રીલિઝ કર્યું છે તો હવે આ ફિલ્મ એમેઝોન પ્રાઈમ વિડીયો પર ૧૨ જૂને રીલિઝ થશે.

સુજીત સરકારના ડિરેકશનમાં બનેલી ફિલ્મ 'ગુલાબો સિતાબો'માં અમિતાભ બચ્ચન અને આયુષ્માન ખુરાના લીડ રોલમાં જોવા મળશે. જો વાત કરવામાં આવે ફિલ્મની સ્ટોરીની તો અમિતાભ બચ્ચન લખનઉની એક હવેલીના માલિકનો રોલ કરી રહ્યાં છે. જેમની હવેલીમાં આયુષ્માન ખુરાના ભાડૂઆત તરીકે રહે છે. આ ફિલ્મ દરમિયાન બન્ને વચ્ચે હુંસાતુંસી અને ઝઘડો જોવા મળે છે. તો, હવેલીના માલિક (અમિતાભ બચ્ચન) ભાડૂઆત (આયુષ્માન)ને પોતાની હવેલી ખાલી કરાવવા માટે અજબગજબ કોશિશો કરતા જોવા મળે છે.

ફિલ્મ 'ગુલાબો સિતાબો'ને જોવા જવા માટે તમારે હવે થિએટરમાં જઈને ટિકિટની જરુર નથી, કારણકે આ ફિલ્મને થિએટરમાં નહીં પરંતુ ઓટીટી (ઓવર ધ ટોપ) પ્લેટફોર્મ પર રીલિઝ કરવામાં આવી રહી છે. આ એક ડ્રામા અને પારિવારિક ફિલ્મ છે. ફિલ્મમાં ભલે લડાઈ-ઝઘડો બતાવવામાં આવ્યો હોય પરંતુ દર્શકોનું ભરપૂર મનોરંજન થવાનું છે. ફિલ્મમાં અમિતાભ બચ્ચન અને આયુષ્માન ખુરાના ઉપરાંત વિજય રાઝ અને વ્રજેન્દ્ર કાલા પણ મહત્વના રોલમાં જોવા મળશે.

નોંધનીય છે કે અમિતાભ બચ્ચન અને આયુષ્માન ખુરાના બીજીવાર ડિરેકટર સુજીત સરકાર સાથે કામ કરી રહ્યાં છે. આ પહેલા અમિતાભ બચ્ચન તેમની ફિલ્મ 'પીકૂ'માં તો આયુષ્માન ખુરાના ફિલ્મ 'વિકી ડોનર'માં જોવા મળ્યો હતો.(૨૩.૩)

(9:40 am IST)
  • મહારાષ્ટ્રમાં આજે એક જ દિવસમાં સૌથી વધુ 2940 કોવિડ -19 કેસ નોંધાયા છે, રાજ્યમાં પોઝિટિવ કેસની કુલ સંખ્યા 44,582 પર પહોંચી છે, જેમાં મુંબઈના ધારાવી વિસ્તારમાં આજે 53 નવા COVID19 પોઝિટિવ કેસ નોંધાયા છે. ધારાવીમાં કુલ પોઝિટિવ કેસ વધીને 1478 અને ધારાવી માજ 57 લોકોના મોત થયા છે: રાજ્ય આરોગ્ય વિભાગ access_time 8:04 pm IST

  • અમેરિકાના મિશિગનમાં બે ડેમ તૂટયાઃ ૧૦,૦૦૦થી વધુ લોકોનું સ્થળાંતર access_time 11:21 am IST

  • પ્રાંતિજમા કોરોનાનો પ્રથમ કેસ નોંધાયો : તપોધન ફરીયામા એક કેસ નોંધાયો: મુંબઈથી આવેલા જાણવામાં આવ્યું છે :તંત્ર અને આરોગ્ય ખાતુ દોડતું થયું access_time 3:58 pm IST