Gujarati News

Gujarati News

News of Saturday, 20th October 2018

અભિષેક બચ્ચને શરૂ કર્યું અનુરાગ બસુની ફિલ્મની શૂટિંગ

મુંબઈ: આગેવાન ફિલ્મ સર્જક બરફી ફેમ અનુરાગ બસુએ પોતાની નવી ફિલ્મ દશેરાના શુભ દિવસે શરૃ કરી હતી. આ ફિલ્મમાં અભિષેક બચ્ચન મુખ્ય રોલ કરી રહ્યો છે.અભિષેકે બે વર્ષના વિરામ પછી ફરી કામ શરૃ કર્યું હતું અને તાજેતરમાં એની અનુરાગ કશ્યપ નિર્દેશિત ફિલ્મ મનમર્ઝિયાં રજૂ થઇ હતી. આ ફિલ્મે બોક્સ ઑફિસ પર બહુ મોટો બિઝનેસ કર્યો નહોતો પરંતુ એ વિવાદના કેન્દ્રમાં આવી ગઇ હતી કારણ કે શીખ યુવાનના રોલમાં રજૂ થયેલા અભિષેક બચ્ચનને ધૂમ્રપાન કરતો દેખાડાયો હતો. ઉત્તર અને ઇશાન ભારતની કેટલીક શીખ સંસ્થાઓએ વિરોધ કરતાં ફિલ્મમાંથી શીખ યુવાનને ધૂમ્રપાન કરતો દેખાડતાં દ્રશ્યો  કાપી નાખવા પડયા હતા.હવે અભિષેકે બીજા અનુરાગની ફિલ્મ સ્વીકારી છે. સામાન્ય રીતે અનુરાગ બસુ રણબીર કપૂરને લઇને ફિલ્મો બનાવે છે. રણબીર સાથે એણે બનાવેલી ફિલ્મ બરફી સુપરહિટ નીવડી હતી. જો કે આ બંનેએ સાથે મળીને બનાવેલી ફિલ્મ જગ્ગા જાસૂસ ભૂંડે હાલે પીટાઇ ગઇ હતી.અભિષેક બચ્ચનને લઇને અનુરાગ બસુએ નવી ફિલ્મના શૂટિંગનો આરંભ દશેરાએ કર્યો હતો.અભિષેકે સોશ્યલ મિડિયા પર મૂકેલા સંદેશામાં લખ્યું હતું કે દશેરાના શુભ દિવસે અમે નવા પ્રોજેક્ટનો આરંભ કરી રહ્યા છીએ. હું પહેલો શોટ આપું એ પછી અનુરાગના ચહેરા પર સ્મિત ફરકે એવી આશા રાખું છું. 

(5:06 pm IST)
  • પોરબંદરો : ર૪ કલાકમાં બાઇક સળગાવાની બીજી ઘટના ઘટી: આજે રાત્રે ૧૧ વાગેની આસપાસ કોઇ અજાણ્‍યા ઇસમે સત્‍યનારાયણ મંદિર પાસે જીમની નજીક પડેલ બાઇક સળગાવેલ હોય કોઇની નજર પડતા પાણીથી આગ ઠારી નાખતા મોટી જાનહાની અટકી છે. access_time 11:55 pm IST

  • બનાસકાંઠાના ગુંદરી ચેકપોસ્ટ પરથી પોલીસે વિદેશી દારૂની 7440 બોટલ અને ટ્રેઈલર સહિત કુલ 38 લાખનો મુદ્દામાલ કબ્જે કર્યો છે પાઉડરની બોરી વચ્ચે સંતાડીને લઈ જવાતો વિદેશી દારૂનો મોટો જથ્થો ઝડપાયો છે પાંથાવાડા પોલીસે બે આરોપીઓની અટકાયત કરી વધુ તપાસ હાથ ધરી છે access_time 7:57 pm IST

  • અમદાવાદ :શિક્ષણ બોર્ડ ધોરણ 12 સામાન્ય પ્રવાહ,વિજ્ઞાન પ્રવાહની બોર્ડની પરીક્ષાના ફોર્મ ભરવાની તારીખ જાહેર :માર્ચ 2019ની બોર્ડની પરીક્ષાના ફોર્મ ઓનલાઈન ભરાશે,:22 ઓક્ટોબરથી 20 નવેમ્બર સુધી ઓનલાઈન ફોર્મ ભરી શકાશે:સંસ્કૃત માધ્યમ,જેલના કેદીઓએ ઓફલાઇન ફોર્મ ભરવાનું રહેશે. access_time 7:38 pm IST