Gujarati News

Gujarati News

News of Tuesday, 20th April 2021

અજય દેવગણ પોતાની વેબ સિરીઝ બનાવશેઃ વેબ સિરીઝનું ટીઝર પણ રિલીઝ થયુ

નવી દિલ્હીઃ બોલીવુડ અભિનેતા અજય દેવગનએ સોશિયલ મીડિયા પર ડિજિટલ ડેબ્યૂ કરવાની જાણકારી આપી છે. એટલું જ નહીં તેમણે પોતાની પ્રથમ વેબ સિરીઝનું ટીઝર પણ રિલીઝ કર્યુ છે. અજય દેવગને વેબ સિરીઝ 'રૂદ્રા- ધ એઝ ઓફ ડાર્કનેસ' થી ઓટીટી દુનિયામાં પગ મુક્યો છે.

વેબ સિરીઝ 'રૂદ્રા- ધ એઝ ઓફ ડાર્કનેસ' ના ટીઝરમાં અજય દેવગનના લુકને દેખાડવામાં આવ્યો છે. તેની શરૂઆત અંધારામાં અજય દેવગનના પડછાયાથી થાય છે અને ધીમે ધીમે અભિનેતાનો ચહેરો જોવા મળે છે. આ દરમિયાન અજય દેવગન ઘણા પ્રકારના ઇન્ટેન્સ લુક દેખાડે છે. ટીઝરમાં જોઈ શકાય કે તેની પાછળ એક પુલ જોવા મળી રહ્યો છે જે લાઇટ્સથી જગમગે છે.

વેબ સિરીઝ વિશે જાણકારી આપતા તેમણે ઇન્સ્ટાગ્રામ પર લખ્યુ- જાહેરાત કરતા ખુશી થઈ રહી છે કે આ વર્ષની ક્રાઇમ થ્રિલર હોટસ્ટાર સ્પેશિયલ- 'રૂદ્રા- ધ એઝ ઓફ ડાર્કનેસ' આવી રહી છે. આ ખુબ ધાંસૂ થવાની છે. આ સાથે તેમણે આંખ મારતી ઇમોજી પણ સામેલ કરી છે.

બ્રિટિશ સિરીઝની હિન્દી રીમેક

મહત્વનું છે કે આ સિરીઝનું શૂટિંગ મુંબઈના આઇકોનિક સ્થળો પર થશે અને અજય દેવગન તેમાં પોલીસ ઓફિસરના અવતારમાં જોવા મળશે. ડિજિટલ પ્લેટફોર્મ પર આ અજય દેવગનની ગ્રાન્ડ એન્ટ્રી છે. આ વેબ સિરીઝ બ્રિટિશ સિરીઝ લૂથરની હિન્દી રીમેક છે. લૂથરને વિશ્વભરમાં ખુબ પસંદ કરવામાં આવી હતી.

અજય દેવગનનું એક્સાઇટમેન્ટ

વેબ સિરીઝને અપ્લોજ એન્ટરટેઈનમેન્ટ અને બીબીસી સ્ટૂડિયો ઈન્ડિયાની સાથે પ્રોડ્યૂસ કરી રહ્યું છે. અજય દેવગનનું આ સિરીઝ વિશે કહેવુ છે કે તે ખુબ ઉત્સાહી છે. તે હંમેશા સારી અને યૂનિક સ્ટોરી પર કામ કરવાનો પ્રયાસ કરે છે. તેમણે કહ્યું કે, આ સિરીઝમાં તેમની ભૂમિકા રસપ્રદ, કોમ્પ્લેક્સ અને ડાર્ક છે.

(5:13 pm IST)
  • 1 મે થી COVID-19 રસી 18 વર્ષની ઉપરના તમામ લોકો લઈ શકશે : રસી ઉત્પાદકો પૂર્વ ઘોષિત ભાવે ખુલ્લા બજારમાં પણ વેચી શકશે : PIBની વેબસાઇટ પર એક અખબારી યાદી મુજબ, રસી ઉત્પાદકોને તેમની રસી ઉત્પાદન ક્ષમતાનો 50% જથ્થો, રાજ્ય સરકારોને અને ખુલ્લા બજારમાં પૂર્વ ઘોષિત ભાવે મુક્ત રીતે વહેંચવાની સત્તા આપવામાં આવશે. access_time 9:57 pm IST

  • કેન્દ્રીય આરોગ્યમંત્રી ડો. હર્ષવર્ધનની જાહેરાત : COVID19 પ્રધાનમંત્રી ગરીબ કલ્યાણ પેકેજ (PMGKP) હેઠળની વીમા યોજના, આરોગ્ય સેવા આપતા કર્મચારીઓ માટે આજથી વધુ 1 વર્ષ માટે લંબાવવામાં આવી છે. access_time 11:31 pm IST

  • કોરોના મહામારી અંગે ગુજરાત હાઈકોર્ટમાં સુનાવણી શરૂ : ગુજરાત સરકારે ૮૨ પાનાનું ઍફીડેવીટ દાખલ કર્યુ : જેમાં સરકારે કરેલી તમામ વ્યવસ્થાના દાવા કર્યા access_time 12:04 pm IST