Gujarati News

મુંબઇ: પ્રિયંકા ચોપરા અને અભિષેક બચ્ચન આગામી ફિલ્મમાં પતિ-પત્નીના પાત્રમાં જોવા મળશે.આ ફિલ્મમાં તેમની પુત્રીના પાત્રમાં ઝાયરા વસીમ હશે. આ ફિલ્મ આયેશા ચૌધરીની જિંદગી પર આધારિત હશે. આયેશા ચૌધરીને ઇમ્યુનડેફિસિયન્સી અને પલમોનેરી ફાઇબ્રોસીસની બીમારી હતી. આ સ્થિતિમાં શરીરની રોગપ્રતિકારક શક્તિ ખલાસ થઇ જતી હોય છે તેમજ ફેંફસામાં તકલીફ થવાથી શ્વાસની તકલીફ થાય છે. આયેશાએ આ રોગ સામે લાંબી લડત આપી હતી અને ૨૦૧૫માં તેનું અવસાન થયું હતું. આયેશાએ પુણેના એક ટોક શોમાં મોટિવેશનલ સ્પિચ આપી હતી. જાયેરાને આ ફિલ્મની સ્ક્રિપ્ટ પસંદ પડી છે અને તેણે કામ કરવાની તૈયારી દાખવી છે. આ ફિલ્મ સોનાલી બોસનો આગામી પ્રોજેક્ટ હશે. તે હાલ આ ફિલ્મના પ્રી-પ્રોડકશનમાં વ્યસ્ત છે અને જલદી જ ફિલ્મનું શૂટિંગ કરશે.