Gujarati News

નવી દિલ્લીઃ આજે અમે તમને KGF ના 'રોકી ભાઈ' ઘરની ટૂર પર લઈ જઈશું જે જોવામાં કોઈ મહેલથી ઓછું નથી. સાઉથના સુપરસ્ટાર યશની કોઈ ઓળખ આપવાની કોઈ જરૂર નથી. પોતાના અભિનય અને પોતાના વ્યક્તિત્વથી યુવાનોના દિલો પર રાજ કરનાર યશે તેની ફિલ્મ 'KGF'થી સિનેમા જગતમાં ખળભળાટ મચાવ્યો હતો. આ ફિલ્મ પછી યશના સ્ટારડમમાં જબરદસ્ત વધારો થયો હતો.

હિન્દી બેલ્ટના દર્શકોએ KGFના રોકી ભાઈ પર ઘણો પ્રેમ વરસાવ્યો. સુપરસ્તાર યશ, તેની ચાલવાની શૈલી અને તેની ડાયલોગ ડિલિવરીના સ્વેગ પર જનતાએ ઘણી સીટીઓ વગાડી છે. અભિનેતા યશનું સાચું નામ નવીન કુમાર ગૌડા છે અને આજે તે જે ઊંચાઈ પર છે તેની પાછળ તેની મહેનત અને સંઘર્ષ છે. KGF સ્ટાર યશ આજે રાજવી જીવન જીવે છે. આજે અમે તમને તેમના ઘરની ટૂર પર લઈ જઈશું, જે જોવામાં કોઈ મહેલથી ઓછું નથી.

સુપરસ્ટાર યશ ખૂબ જ આલીશાન ઘરમાં રહે છે. KGF હિટ થયા પછી, અભિનેતાએ બેંગ્લોરમાં એક આલીશાન એપાર્ટમેન્ટ ખરીદ્યું. આ એપાર્ટમેન્ટની સુંદરતા ઘણી વખત હેડલાઇન્સમાં આવી ચુકી છે. યશનું ઘર અંદરથી રાજવી ઘર જેવું લાગે છે. આ ઘરમાં લક્ઝરીથી લઈને સગવડ સુધી બધું જ ઉપલબ્ધ છે.

 યશનું એપાર્ટમેન્ટ પોશ કોલોની પ્રેસ્ટિજ ગોલ્ફ એપાર્ટમેન્ટ્સ, વિન્ડસર મેનોરમાં બેંગ્લોરમાં આવેલું છે. રિપોર્ટ્સ અનુસાર, આ લક્ઝરી એપાર્ટમેન્ટની કિંમત લગભગ 6 કરોડ રૂપિયા છે. યશના ઘરને ખૂબ જ પરંપરાગત રીતે સજાવવામાં આવ્યું છે. આ ઘરનો દરેક ખૂણો ખૂબ જ પ્રેમથી સજાવવામાં આવ્યો છે. યશના ઘરમાં ભારતીય સંસ્કૃતિની ઝલક પણ જોવા મળે છે. અભિનેતાએ પૂજા અને પ્રાર્થના માટે ઘરમાં એક અલગ રૂમ બનાવ્યો છે.

 KGFના 'રોકી ભાઈ' ઘરમાં એક સુંદર બાલ્કની પણ છે. આ બાલ્કનીને ગ્રીક ટચ સાથે ડિઝાઇન કરવામાં આવી છે. આ વિશાળ જગ્યા પરથી સમગ્ર શહેરનો નજારો પણ જોઈ શકાય છે. યશે તેના ઘરમાં રસ્ટિક ફ્લોરિંગનો સહારો લીધો છે. અભિનેતાના ઘરની દિવાલો પણ કેટલીક વાર્તાઓ કહે છે. આ લક્ઝુરિયસ ઘરની દિવાલો અને દરવાજાને રોયલ ટચ આપવા માટે ડાર્ક થીમ પર રાખવામાં આવ્યા છે.

 આ ભવ્ય મકાનમાં લાઇટિંગ પણ ખૂબ જ સારી રીતે કરવામાં આવ્યું છે. આ સિવાય મેટલનો ઉપયોગ કરીને બનાવેલા સ્ટેટમેન્ટ લાઇટ ફિક્સ્ચર અને ભૌમિતિક પેટર્ન ઘરના દેખાવને વધુ સુંદર બનાવે છે. સુપરસ્ટાર યશના ઘરમાં તમને આધુનિકતા સાથે પરંપરાગત રંગો પણ જોવા મળશે. યશ આ ઘરમાં તેના પરિવાર સાથે સારો સમય વિતાવે છે.