Gujarati News

મુંબઇ,તા.૧૮: અક્ષય કુમારની ફિલ્મ કારકિર્દીના પહેલા દિવસે મિશન મંગલ સૌથી વધુ કમાણી કરનારી ફિલ્મ બની છે. બોલિવૂડ ફિલ્મોની કમાણીના વિશ્વસનીય આંકડા આપનારા ટ્રેન્ડ પંડિત તરણ આદર્શને મિશન મંગલની પહેલા દિવસની ૨૯.૧૬ કરોડની જાહેરાત કરી છે. આ કમાણી ફક્ત ભારતના બોક્સ ઓફિસની છે. વિદેશની ફિલ્મની કમાણી તેમાં સામેલ નથી. અક્ષયની તમામ જૂની ફિલ્મોના રેકોર્ડ તોડી નાખ્યા છે.

મિશન મંગલની સમીક્ષાની આશા રાખી હતી કે આ ફિલ્મ પહેલા જ દિવસે ૨૯ કરોડ રૂપિયાથી વધુની કમાણી કરે તેવી સંભાવના છે. આ અપેક્ષા પર ફિલ્મે પહેલા જ દિવસે ૨૯ કરોડ કરતા વધારે કમાણી કરી છે.એ યાદ રહે કે  અક્ષયની વર્ષ ૨૦૧૬: રુસ્તમ, ૧૪.૧૧ કરોડ,વર્ષ ૨૦૧૭: ટોઇલેટ એક પ્રેમકથા ૧૩.૧૦ કરોડ ,વર્ષ ૨૦૧૮: ગોલ્ડ ૨૫.૨૫ કરોડ ,વર્ષ ૨૦૧૯: મિશન મંગલ, ૨૯.૧૬ કરોડની કમાણી કરી હતી.

આ સંદર્ભમાં અક્ષય કુમારે છેલ્લા ચાર વર્ષથી સ્વતંત્રતા દિવસ પર પકડ રાખી છે. આ સિક્વન્સમાં તેની મોટાભાગની ફિલ્મો હિટ સાબિત થઈ છે. મિશન મંગલને ચાર દિવસનું વીકએન્ડ મળશે આવી સ્થિતિમાં આ ફિલ્મ ભવિષ્યમાં ૧૦૦ કરોડનો આંકડો પાર કરે તેવી સંભાવના છે.

આ ઉપરાંત ફિલ્મના નિર્માણ માટે કુલ ૩૨ કરોડ રૂપિયા ખર્ચ કરવામાં આવ્યા છે અને કુલ ૧૮ કરોડ રૂપિયા જાહેરાત અને છાપવામાં ખર્ચ કરવામાં આવ્યા છે. મિશન મંગલને ભારતીય મલ્ટિપ્લેક્સમાં લગભગ ૩૧૦૦ સ્ક્રીનો પર રિલીઝ કરવામાં આવી છે.જો મિશન મંગલ ૧૧૫ કરોડનો આંકડો પાર કરે તો તેને હિટ ફિલ્મ કહેવામાં આવશે.