Gujarati News

મુંબઇ તા. ૧૬ : આપણી દેસી ગર્લ પ્રિયંકા ચોપરા હવે ઈન્ટરનેશનલ સ્ટાર બની ગઈ છે. તેની લોકપ્રિયતા દિવસેને દિવસે વધતી જ જાય છે. પ્રિયંકાએ છેલ્લા કેટલાય સમયથી કોઈ બોલિવુડ ફિલ્મ સાઈન નથી કરી. ચર્ચા એવી છે કે પ્રિયંકા ચોપરા એક એવોર્ડ શોમાં ધમાકેદાર પરફોર્મન્સ આપવાની છે. આ માટે તેને જે રકમ મળવાની છે તે સાંભળીને તમારી આંખો પહોળી થઈ જશે.

પ્રિયંકા ચોપરાએ છેલ્લા બે વર્ષથી ઈન્ડિયામાં કોઈ પરફોર્મન્સ નથી આપ્યુ. બે વર્ષમાં પહેલી વાર તે બોલિવુડ સોન્ગ્સ પર પરફોર્મ કરવા જઈ રહી છે.

આ એવોર્ડ શોએ પ્રિયંકાને એમાઉન્ટ જ એટલી મોટી ઓફર કરી છે કે પ્રિયંકા ના પાડી ન શકી. સૂત્રોના જણાવ્યા મુજબ પ્રિયંકાને પાંચ મિનિટનું પરફોર્મન્સ આપવાના ૪થી ૫ કરોડ રૂપિયા મળવાના છે.

પ્રિયંકાનું પરફોર્મન્સ પાંચ મિનિટ લાંબુ હશે. તે ખૂબ જ ડિમાન્ડમાં હોવાથી ઓર્ગેનાઈઝર્સે તેની સાથે કોઈ ભાવ-તાલ પણ ન કર્યા અને તેની ટીમે જે ભાવ કહ્યો તે આપવા રાજી થઈ ગયા. આનો અર્થ પ્રિયંકાને ૧ મિનિટ પરફોર્મ કરવાના ૧ કરોડ રૂપિયા મળશે.

સૂત્રોના જણાવ્યા મુજબ ઓર્ગેનાઈઝર્સને ખબર છે કે પ્રિયંકાનું પરફોર્મન્સ ઈવનિંગનું સૌથી એકસાઈટિંગ પરફોર્મન્સ હશે અને તે બે વર્ષ પછી પરફોર્મ કરી રહી છે એટલે તેના માટે દર્શકોમાં પણ વધારે ઉત્સુકતા હશે. આથી તેમણે પ્રિયંકાને મોં માંગ્યા દામ આપી દેવાની તૈયારી દર્શાવી છે.

પ્રિયંકા આ એવોર્ડ શોમાં તેના ચાર્ટબસ્ટર સોન્ગ્સ પર પરફોર્મ કરતી જોવા મળશે. પ્રિયંકા આ વીકેન્ડમાં ઈન્ડિયા આવી રહી છે. તેને શૂટ્સ અને બીજા પ્રોફેશનલ કમિટમેન્ટ વચ્ચે રિહર્સલ કરવા માટે ઘણો ઓછો ટાઈમ મળશે. આમ છતાંય તેણે એવોર્ડ શો માટે પરફોર્મ કરવાને મંજૂરી આપી દીધી છે.