Gujarati News

મુંબઇ: માનુષી ચિલ્રર ફિલ્મોમાં કામ કરવાની છે તેવું ઘણા સમયથી ગાજી રહ્યું છે. પરંતુ તેણે હજી સુધી એક પણ ફિલ્મ સાઇન કરી હોવાની વાત આવી નથી. ૨૦૦૫ની ક્રાઇમ-કોમેડી ફિલ્મ 'બંટી ઔર બબલી'માં અભિષેક બચ્ચન અને રાણી મુખર્જીએ કામ કર્યું હતું. જે બોક્સ ઓફિસ પર સફળ થઇ હતી. હવે આ ફિલ્મની સિકવલની વાત ચાલી રહી છે. કહેવાય છે કે, સિકવલમાં નવા કલાકારોને લેવામાં આવવાના છે. 'ગલી બોય'નો સિદ્ધાંત ચતુર્વેદી આ સિકવલનો હિસ્સો બનશે. આ ફિલ્મની હિરોઇન માટે માનુષી ચિલ્લરનું નામ સાંભળવા મળે છે. જોકે તેણે હજી સુધી આ  ફિલ્મ સાઇન કરી નથી. ૨૦૧૭માં 'મિસ વર્લ્ડ'નો ખિતાબ જીતનારી માનુષી બોલીવૂડમાં ડેબ્યુ કરવાની તૈયારી કરી રહી છે.આ ફિલ્મમાં આ ઉપરાંત અમિતાભ બચ્ચન પણ જોવા મળશે. તેમજ મેકર્સની યોજના છે કે, મહેમાન ભૂમિકામાં અભિષેક બચ્ચન અને રાણી મુખર્જીને પણ લેવામાં આવે. જોકે ફિલ્મની સ્ટારકાસ્ટની ઘોષણા હજી કરવામાં આવી નથી.