Gujarati News

Gujarati News

News of Friday, 15th March 2019

'પાનીપત' માટે ખાસ ડાયેટ પ્લાનને અનુસરે છે સંજય

સંજય દત્તની ફિલ્મ કલંકનું ટીઝર સામે આવી ગયું છે. તે જોતાં જ ફિલ્મ જબરદસ્ત હોવાનું સમજાય છે. આ વર્ષમાં સંજય દત્ત પાસે અનેક શાનદાર પ્રોજેકટ છે. કલંકમાં માધુરી દિક્ષીત, વરૂણ ધવન, આલિયા ભટ્ટ, આદિત્ય રોય કપૂર, સોનાક્ષી સિન્હા પણ છે. સંજય આ ઉપરાંત બીજી ફિલ્મ 'પાનીપત'માં પણ ખાસ રોલ નિભાવી રહ્યો છે. આ ફિલ્મના પોતાના પાવરફુલ રોલ માટે તેણે ડાયેટ પ્લાન બદલી નાંખ્યો છે. તે સખત નિયમોનું પાલન કરી રહ્યો છે. તે કાર્બ અને ફેટ ડાયેટ લેવાથી દુર રહે છે. પ્રોટીન, સલાડ, ચિકન અને ફિશનો વધુ ઉપયોગ કરી રહ્યો છે. તેના પાત્રને ખુબ વજનદાર વસ્ત્રો પહેરવાના હોવાથી સંજય શરીરને મજબૂત બનાવવા ભારેખમ ખોરાક લઇ રહ્યો છે. આ માટે તે જીમમાં પણ પરસેવો પાડી રહ્યો છે. તે ફિલ્મમાં અફઘાન કિંગના રોલમાં છે. આ રોલ માટે તેણે માથાના વાળ પણ ઉતરાવી નાંખ્યા છે. 

(9:58 am IST)
  • ન્યૂઝીલેન્ડના આતંકી હુમલાને વખોડી કાઢતા વડાપ્રધાન શ્રી નરેન્દ્ર મોદી : આઘાતની લાગણી વ્યક્ત કરી : મૃતકોને શ્રદ્ધાંજલી આપી :આતંકવાદીઓને લોકશાહી શાષનમાં કોઈ સ્થાન ન હોવાનું જણાવ્યું access_time 8:28 pm IST

  • સુરતના અમરોલીમાં ૮ વર્ષની બાળા ઉપર દુષ્કર્મ : સુરતના અમરોલીમાં ૮ વર્ષની બાળા ઉપર દુષ્કર્મ આચરવામાં આવતા ખળભળાટ મચી ગયો છે. બાળાને ગંભીર હાલતમાં હોસ્પિટલમાં ખસેડેલ છે. ૪ દિવસમાં શહેરમાં દુષ્કર્મની ૩ ઘટના બનતા દુષ્કર્મ આચરનારા સામે આક્રોશ ફેલાયો છે. access_time 3:33 pm IST

  • અમૃતસરના કેટલાક વિસ્તારોમાં મધરાત્રે મોટા ધડાકાઃ ગભરાટઃ અમૃતસરમાં ગઇ મોડી રાત્રે દોઢ વાગે કેટલાક વિસ્તારોમાં ધડાકાઓના મોટા અવાજોથી ઘરોની દિવાલો ધ્રુજી ઉઠી હતી. લોકો ભારે ગભરાઇ ગયેલ અને ભારત-પાકિસ્તાન જંગ છેડાયાની ચર્ચા થવા લાગેલ. જો કે પોલીસ આવા વિસ્ફોટોનો ઇન્કાર કરી રહેલ છે અને કોઇ આવા રિપોર્ટ નોંધાયા ન હોવાનું કહેે છે. પરંતુ લોકોમાં ભારે ભય છે. પોલીસે લોકોને નહી ગભરાવા અને અફવાથી બચવા કહયું છે. સોશ્યલ મીડીયા ઉપર અનેક લોકોએ ધડાકા અંગે લખ્યું છે. access_time 11:27 am IST