Gujarati News

ટાઇગર શ્રોફ પોતાની નાનકડી કારકિર્દીમાં લોકપ્રિય સિરીઝનો ભાગ બની ગયો છે. બાગી સિરીઝના રૂપમાં તેણે બોકસ ઓફિસ પર જોરદાર સફળતા મેળવી છે. એકશન દ્રશ્યો એ આ સિરીઝની ફિલ્મોનું જમાપાસુ છે.બાગી-૨ રિલીઝ થઇ એ પહેલા જ બાગી-૩ બનાવવાની જાહેરાત થઇ ચુકી હતી. અહેમદ ખાન હવે બાગી-૩નું નિર્દેશન કરવા તૈયાર છે. હિરોઇન તરીકે ફરીથી શ્રધ્ધા કપૂરની એન્ટ્રી થઇ છે. ટાઇગર શ્રોફ સાથે અક્ષય કુમાર પણ આ ફિલ્મમાં ખાસ રોલમાં હશે તેવી ચર્ચાઓ વહેતી થઇ હતી. પરંતુ હવે એ નક્કી થયું છે કે આ ખાસ રોલ માટે રિતેશ દેશમુખ જોવા મળશે. રિતેશનો રોલ પણ જોરદાર હશે. રિતેશને આ એકશન ફિલ્મમાં જોવાની મજા જ અલગ હશે. તે મોટે ભાગે કોમેડી રોલમાં જ જોવા મળે છે. જો કે અગાઉ તેણે એક વિલનમાં વિલનનો રોલ નિભાવ્યો હતો. જેના ખુબ વખાણ થયા હતાં. બાગી-૩ના નિર્માતા સાજીદ નડિયાદવાલા છે. રિતેશની તેની સાથે આ છઠ્ઠી ફિલ્મ છે.