Gujarati News

નવી દિલ્હીઃ બોલીવુડ અભિનેત્રી નીતૂ કપૂર સોશિયલ મીડિયા પર ખુબ એક્ટિવ રહે છે. તે હંમેશા પોતાની સાથે જોડાયેલા અપડેટ્સ ફેન્સ માટે શેર કરતા રહે છે. આ સમયે તે પોતાની અપકમિંગ ફિલ્મ 'જુગ જુગ જીયો'ના શૂટિંગ માટે ચંડીગઢ રવાના થયા છે. નીતૂ કપૂરે તેની તસવીર શેર કરી છે.

• નીતૂ કપૂરે શેર કરી તસવીર

નીતૂ કપૂરે ગુરૂવારે પોતાના ઇસ્ટાગ્રામ એકાઉન્ટ પર એક તસવીર શેર કરી છે. તેમાં તે પોતાના કો-સ્ટાર વરૂણ ધવન, કિયારા અડવાણી, અનિલ કપૂર અને પ્રાજક્તા કોલીની સાથે જોવા મળી રહ્યાં છે. આ તસવીરની સાથે નીતૂ કપૂરે લખ્યું છે, આ ડરામણા સમયમાં મારી પ્રથમ ફ્લાઇટ! આ જર્ની માટે નર્વસ છું કપૂર સાહબ! તમે અહીં મારો હાથ પકડ્યો નથી, મને ખ્યાલ છે કે તમે મારી સાથે છો.

• ફિલ્મને ડાયરેક્ટ કરશે રાજ મેહતા

અનિલ કપૂરે આ તસવીર શેર કરતા લખ્યું, 'એન્ડ વી આર ઓફ.' ફિલ્મ જુગ જુગ જીયોને રાજ મહેતા ડાયરેક્ટ કરશે. આ ફિલ્મથી ઈન્ડિયન યૂટ્યૂબર અને બ્લોગર પ્રાજક્તા કોલી બોલીવુડમાં પર્દાપણ કરવા જઈ રહી છે.

• ઋષિ કપૂરનું 30 એપ્રિલે થયુ હતુ નિથન

મહત્વનું છે કે બોલીવુડના દિગ્ગજ અભિનેતા ઋષિ કપૂરનું આ વર્ષે 30 એપ્રિલે મુંબઈમાં નિધન થયુ હતુ. ઋષિ કપૂર બે વર્ષથી કેન્સર જેવી ગંભીર બિમારી સામે લડી રહ્યા હતા. તેઓ કેન્સરની સારવાર માટે ન્યૂયોર્ક પણ ગયા હતા.