Gujarati News

મુંબઇ: આમિર ખાન પોતાના વિવાદાસ્પદ એક્શન અને નિવેદનોથી સતત સમાચારમાં રહે છે. આમિર ખાનનો આજે 14 માર્ચના રોજ જન્મદિવસ છે. આ પ્રસંગે આજે તેમની પ્રોફેશનલ લાઈફ સાથે જોડાયેલા કેટલાક રસપ્રદ કિસ્સા જાણવા જેવા છે. આમિર ખાનને બોલિવુડના અસલી સીરિયલ કિસર કહેવાય છે. તેમણે લગભગ પોતાની તમામ ફિલ્મોમાં કો-સ્ટારને કિસ કરી છે. પરંતુ આમિર ખાનનો અનુભવ ત્યારે ખરાબ થઈ ગયો હતો, જ્યારે જુહી ચાવલાએ તેમને કિસ કરવાની ના પાડી હતી.

આમિર ખાન અને જુહી ચાવલાને ફિલ્મ ‘કયામત સે કયામત તક’થી બોલિવુડમા ઓળખ મળી હતી. ફિલ્મના એક સીનમાં આમિરે જુહીને કિસ કરવાની હતી. પરંતુ જુહીએ આવુ કરવાનું ના પાડી હતી. ફિલ્મનું ગીત ‘અકેલે હૈ તો ક્યા ગમ હૈ...’ માટે કિસિંગ સીન ફિલ્માવાના હતો, પરંતુ જુહીના ના પાડવાથી ડાયરેક્ટર મન્સુર ખાન ભડકી ગયા હતા. તેમણે તમામ ક્રુ મેમ્બર્સને બેસી જવા કહ્યું હતું. આખરે ડાયરેક્ટરનો ગુસ્સો જોઈને જુહી ચાવલા માની ગયા હતા.

તમને જણાવી દઈએ કે, આમિર ખાન અને જુહી ચાવલાએ બીજી એક ફિલ્મ ઈશ્કમાં પણ સાથે કામ કર્યું હતું. પરંતુ ફિલ્મના સેટ પર આમિરે જુહીની સાથે એવી હરકત કરી હતી કે, જેને જોઈને જુહી ચાવતા આગબબૂલા થઈ ગઈ હતી. તેમણે અંતે આમિર સાથે ભવિષ્યમાં ક્યારેય કામ કરવાની પાડી હતી.

હકીકતમાં, આમિરે જુહીને કહ્યું કે, તેમને જ્યોતિષ વિદ્યા આવડે છે. તેઓ હાથ જોવાનું પણ જાણે છે. આ વાત જાણીને જેમ જુહીએ પોતાનો હાથ બતાવ્યો હતો, તો આમિર તેમના હાથ પર થૂંકીને ભાગી ગયા હતા. આખરે જુહી આ મજાક સહન કરી શકી ન હતી, અને ગુસ્સામાં લાલ થઈ ગઈ હતી. એટલુ જ નહિ, તેમણે આમિર સાથે ફિલ્મની શુટિંગ કરવાની પણ ના પાડી દીધી હતી.