Gujarati News

આવતી કાલે વેલેન્ટાઇન ડેના દિવસે ફિલ્મ ગલ્લી બોય રિલીઝ થઇ રહી છે. રણવીર સિંહ અને આલિયા ભટ્ટની આ ફિલ્મમાં કામ કરવા કેમ તૈયાર થયો? તે અંગે રણવીરસિંહે કહ્યું હતું કે પહેલી વખત મને એક ગીત 'મેરી ગલી મેં'નો વિડીયો બતાવાયો હતો. આ ગીતને મુંબઇની ગલીઓના બે રેપર ડિવાઇન અને નેજી દ્વારા તૈયાર કરાયું હતું. મેં જ્યારે આ ગીત નિહાળ્યું, સાંભળ્યું તો તેમાં અંદર એટલો ડુબી ગયો કે મેં તુરત જ આ ફિલ્મ કરવાની જોયાને હા પાડી દીધી હતી. રણવીર સિંહ આ ફિલ્મમાં એક રૈપરની ભૂમિકા નિભાવી રહ્યો છે. જે ઝૂપડપટ્ટીમાં રહીને પણ કરી રીતે રૈપ સોંગમાં માહેર બને છે તેની કહાની છે. રણવીરે કહ્યું હતું કે પહેલા જોયાને હું આ રોલ યોગ્ય રીતે નિભાવીશ કે નહિ તેની ખબર નહોતી. પણ સ્ટુડિયોમાં મેં પહેલુ રૈપ સોંગ રજૂ કરતાં જ બધુ પરફેકટ થઇ ગયું હતું.