Gujarati News

Gujarati News

News of Thursday, 12th September 2019

ટીવી અભિનેત્રી સિમરન પરીંજાને ડોકટર પાસે જવાનો પણ સમય નથી

ટીવી અને ફિલ્મોના કલાકારો વીસ-વીસ કલાક સુધી સેટ પર કામ કરતાં હોય છે. આ કારણે ઘણીવાર તબિયત બગડી જતાં સેટ પરથી સીધા હોસ્પિટલે પહોંચવું પડે છે. તાજેતરમાં વરૂણ ધવન સ્ટ્રીટ ડાન્સરના સેટ પર બેભાન થઇ ગયો હતો. ત્યાં હવે ટીવી અભિનેત્રી સિમરન પરીંજા બેહોશ થઇ ગઇ હતી. ટીવી શો 'ઇશારો ઇશારો મેં'માં એક મુક છોકરીનું પાત્ર સિમરન ભજવી રહી છે. તે ઘણા દિવસથી બિમાર હતી છતાં સતત શુટીંગમાં ભાગ લઇ રહી હતી. અંતે અચાનક બેહોશ થઇ જતાં દોડધામ થઇ ગઇ હતી. સિમરનને સેટ પર જ તબિબી સારવાર અપાઇ હતી. જો કે તે કામની વ્યસ્તતાને કારણે ડોકટર પાસે જઇ શકી નહોતી. તેણે કહ્યું હતું કે ટીવી ઇન્ડસ્ટ્રીમાં કામ કરવું હોય તો આટલી મહેનત કરવી જ પડે છે. અહિ અઠવાડીએ એક વાર રજા પણ મળતી નથી. હું મારી તબિયત પર ધ્યાન ન આપી શકતાં બેહોશ થઇ ગઇ હતી. હવે ફરીથી કામમાં જોડાઇ ગઇ છું. સિમરને તુ મેરા હીરો, ભાગ્યલક્ષ્મી, કાલા ટીકા, લાલ ઇશ્ક સહિતના શોમાં કામ કર્યુ છે. ૨૦૧૫થી તે ટીવી પરદે કાર્યરત છે.

(10:04 am IST)
  • હિન્દુસ્તાન પેટ્રોલીયમના પ્લાન્ટમાં મોટી દુર્ઘટનાઃ ટેન્ક આખી ફાટીઃ યુપીના ઉન્નવ પાસે કેટલાક ગામડાઓ ખાલી કરાવાયા access_time 12:26 pm IST

  • દિલ્હીની સરકારી હોસ્પિટલોમાં VIP માટેની અલગ સુવિધા રદ : તમામ નાગરિકને સમાન આરોગ્ય સેવા મેળવવાનો અધિકાર : મુખ્ય મંત્રી કેજરીવાલની ટ્વીટર ઉપર ઘોષણાં access_time 8:12 pm IST

  • ભારતીય સેનામાં પહેલીવાર સિપાહીના પદ માટે મહિલાઓની ભરતી :મોટી સંખ્યામાં યુવતીઓ ઉમટી પડી : ઉત્તર પ્રદેશ અને ઉત્તરાખંડમાં 4458 ઉમેદવારોએ પરીક્ષા આપી : સીમા સુરક્ષા દળ માફક ભારતીય સેનાએ મહિલાઓ માટે ભરતી કરવા નિર્ણંય : ભારે પ્રતિસાદ મળ્યો access_time 12:59 am IST