Gujarati News

Gujarati News

News of Thursday, 12th July 2018

17 વર્ષ પછી કરીના કપૂર કામ કરશે કરણ જોહરની ફિલ્મમાં

મુંબઇ:  અભિનેત્રી કરીના કપૂર સત્તર વર્ષના ગાળા બાદ ફરી એકવાર ટોચના ફિલ્મ સર્જક કરણ જોહરની ફિલ્મ કરશે એવી માહિતી મલી હતી. છેલ્લે કરીનાએ ૨૦૦૧માં કરણની કભી ખુશી કભી ગમ ફિલ્મ કરી હતી જેમાં રિતિક રોશનની હીરોઇન હતી. ફિલ્મ મેગાબજેટ અને મલ્ટિસ્ટાર હતી. એમાં મેગાસ્ટાર અમિતાભ બચ્ચન, જયા બચ્ચન, શાહરુખ ખાન, કાજોલ, ફરીદા જલાલ અને રિતિક રોશન સાથે કરીના ચમકી હતી. ફિલ્મ હિટ નીવડી હતી. કરીના અને કરિશ્મા બંને બહેનો છે. તેમને ભાઇ નથી. એટલે કરણ જોહર સાથે કરીનાને ભાઇ-બહેન જેવો સંબંધ છે. પરંતુ એક યા બીજા કારણે બંને કભી ખુશી કભી ગમ પછી સાથે કામ કરી શક્યાં નહેાતાં. કરણે  કલ હો ના હો ફિલ્મ કરી ત્યારે કરીનાને ઑફર કરી હતી. જો કે કરીનાએ પોતાની માર્કેટ પ્રાઇઝ કહેતાં કરણને ખરાબ લાગ્યું હતું અને એણે પ્રીતિ ઝિન્ટાને સાઇન કરીને ફિલ્મ બનાવી હતી. ફિલ્મ પણ હિટ નીવડી હતી. થોડો સમય બંને વચ્ચે અબોલા રહ્યા હતા. ત્યારબાદ એવી વાતો વહેતી થઇ હતી કે કરીના રિતિક રોશન સાથે કરણની શુદ્ધિ ફિલ્મ કરશે. પરંતુ પણ શક્ય બન્યું. હવે એવી માહિતી મળી હતી કે કરણ એક ફિલ્મનું પ્લાનિંગ કરી રહ્યો છે જેમાં મોટે ભાગે અક્ષય કુમાર હીરો હશે અને એમાં હીરોઇન તરીકે કરીના કપૂર ચમકશે. કરીનાને સ્ક્રીપ્ટ ગમી હોવાનું કહેવાય છે અને એણે કરણને ફિલ્મ કરવાની હા પાડી હતી.

(4:48 pm IST)
  • ડાંગમાં ભારે વરસાદથી અંબિકા નદીમાં પાણી આવતા ગીરા ધોધનો અદભુત વૈભવ છલક્યો: ડાંગમાં વરસાદને લઈને અંબિકા નદીમાં પાણી આવતા ગીરાધોધ પર ફરી અદભૂત નજારો જોવા મળી રહ્યો છે. છેલ્લા 24 કલાકમાં સાપુતારામાં 114 મિમી, વઘઈમાં 203 મિમી વરસાદ વરસ્યો છે. જ્યારે આહવામાં 95 મિમી અને સુબીરમાં 43 મિમી વરસાદ વરસ્યો છે. access_time 1:08 pm IST

  • રાત્રે 8-40 વાગ્યે : દક્ષિણ-મધ્ય ગુજરાતના સુરત-વલસાડ-ભરૂચ-વડોદરા -નવસારી સહિતના સંખ્યાબંધ જિલ્લાઓમાં મોડીરાત સુધી દે ધનાધન વરસાદ ચાલુ :8 ગામોમાં વીજળી ગુલ :197 નાના મોટા હાઇવે બંધ કરાયા :સૌરહસ્ત્રના અનેક વિસ્તારોમાં ભારે વરસાદ :કચ્છ હજુ કોરોધાકોડ :નડિયાદથી અમદાવાદના પટ્ટામાં ભારે વરસાદ :તાપીથી વાપી સુધી જબ્બર વરસાદી તાંડવઃ : સતત ચાલુ access_time 9:22 pm IST

  • ખાંભાના નવા માલકનેશ વાડીની ઓરડી માં સુતેલી દીકરીને બચાવવા જતા વચ્ચે પડેલ દીકરીની માં પર દીપડા નો હુમલો.:મહિલાને સારવાર અર્થ ખાંભા હોસ્પિટલ ખસેડાઈ access_time 10:27 pm IST