Gujarati News

Gujarati News

News of Tuesday, 10th December 2019

મકડી અને ઇકબાલ ફિલ્મથી બાળ કલાકાર તરીકે ચર્ચામાં આવેલ શ્વેતા બસુ પ્રસાદ અને તેના પતિ રોહિત મિત્તલ હવે અલગ થશેઃ સેક્સ રેકેટમાં સામેલ હોવાનો ખોટો આરોપ

નવી દિલ્હી :  'મકડી' અને 'ઇકબાલ' ફિલ્મથી બાળ કલાકાર તરીકે ચર્ચામાં આવેલી શ્વેતા બસુ પ્રસાદે  2018માં રોહિત મિત્તલ સાથે લગ્ન કર્યા હતા. હવે શ્વેતાએ સોશિયલ મીડિયામાં જાણકારી આપી છે કે તે અને રોહિત અલગ થઈ રહ્યા છે.

શ્વેતાએ પોતાની પોસ્ટમાં લખ્યું છે કે અમે પરસ્પરની સમજૂતિથી અલગ થઈ રહ્યા છીએ. પોસ્ટમાં શ્વેતાએ રોહિતને ભવિષ્ય માટે શુભેચ્છા આપતા લખ્યું છે કે ''અમે આ નિર્ણય ઉપર મહિનાઓ સુધી વિચાર કર્યો છે અને આખરે અલગ થવાનો નિર્ણય લીધો છે. દરેક પુસ્તકને તેના કવરથી ન ઓળખી શકાય પણ એનો મતલબ એવો પણ નથી કે પુસ્તક ખરાબ છે. રોહિત સાથેની સકારાત્મક યાદગીરી મને હંમેશા પ્રેરણા આપે છે.''

મીડિયા રિપોર્ટ પ્રમાણે રોહિત અને શ્વેતાની મિત્રતા પાંચ વર્ષ પહેલાં શરૂ થઈ હતી અને તેઓ બંને લિવ ઇનમાં પણ રહ્યા હતા. બંનેએ 2018માં લગ્ન કર્યા હતા અને હવે બંનેએ અલગ થવાનો નિર્ણય લીધો છે. શ્વેતાએ પોતાની કરિયરમાં મકડી અને ઇકબાલ સિવાય વાહ! લાઇફ હો તો એસી, ડરના જરૂરી હૈ, બદરીનાથ કી દુલ્હનિયા તેમજ તાશ્કંદ ફાઇલ્સમાં કામ કર્યું છે.

ભૂતકાળમાં શ્વેતા બાસુનું નામ હૈદરાબાદના બંજારા હિલ્સમાં ચાલી રહેલા સેક્સ રેકેટમાં સંડોવાયું હતું. એ સમયે શ્વેતા લગભગ 2 મહિના સુધી રેસ્ક્યુ હોમમાં રહી હતી. જોકે એ સમયે હૈદરાબાદ સેશન્સ કોર્ટે તેને ક્લિન ચીટ આપી હતી. એ સમયે શ્વેતાએ મીડિયામાં જણાવ્યું હતું કે જે ફેમસ હોય છે તેણે વિવાદોનો પણ સામનો કરવો પડે છે. આ પ્રકારની પરિસ્થિતિને કારણે પર્સનલ લાઇફ પર એની અસર ન પડવી જોઈએ.

(5:40 pm IST)
  • અમેરિકાના જર્સી શહેરમાં ગોળીબાર ચાલુ : ઇમર્જન્સી એલર્ટ : બે ઓફિસરો ઘવાયાંના અહેવાલ :ન્યુ જર્સીમાં એક્ટિવ શૂટર સિચ્યુએશન : લોન્ગ ગન સાથે એક શખ્શ ફાયરિંગ કરી રહયો છે ન્યૂજર્સીના greenvilla વિસ્તારમાં 12 સ્કૂલો બંધ કરી દેવામાં આવી છે : ત્રીસેક મિનિટ પહેલાની ઘટના access_time 12:33 am IST

  • સેન્સેકસ રરર પોઇન્ટ ઘટીને ૪૦ર૬૪ અને નીફટી ૭ર પોઇન્ટ ઘટીને ૧૧૮૬પઃ ડોલર સામે રૂપિયો ૭૦.૮૯ ઉપર છે access_time 3:33 pm IST

  • ભારત-રશિયા વચ્ચે સેનાની ત્રણે પાંખ વચ્ચેની લશ્કરી કવાયત 'ઇન્દ્રા'નો પ્રારંભ થયો access_time 2:25 am IST