Gujarati News

મુંબઇ,તા.૯: ટીવીના પ્રસિદ્ઘ શો કૌન બનેગા કરોડપતિની ૧૩મી સીઝનને ત્રીજો કરોડપતિ મળી ગયો છે. ગૃહિણી ગીતા સિંહ ગૌરે એક કરોડના પ્રશ્નનો સફળતાપૂર્વક જવાબ આપ્યો છે, પરંતુ ગીતા આગળ સાત કરોડની રકમ જીતશે કે કેમ તે તો આજનો એપિસોડ જોયા પછી જ ખબર પડશે.

સોની એન્ટરટેઈનમેન્ટ ટેલિવિઝનના ઓફિશિયલ પેજ પર રિલીઝ કરવામાં આવેલા પ્રોમોમાં ૫૩ વર્ષની ગીતા કહે છે કે, હું ૫૩ વર્ષની છું અને મેં મારું આખું જીવન બાળકોને ઉછેરવામાં લગાવી દીધું છે. તેના જીવનની બીજી ઈનિંગમાં ગીતા પોતાના માટે જીવવાની ઈચ્છા ધરાવે છે. આ વીડિયોમાં ગીતા જીપ ચલાવતી જોવા મળી રહી છે, જયાં તેની સાથે તેનો પાલતુ કૂતરો પણ છે. પ્રોમોના અંતે અમિતાભ બચ્ચન કહે છે કે ગીતાએ એક કરોડની રકમ જીતી છે.

ગીતા આ સિઝનની ત્રીજી કરોડપતિ છે. અગાઉ આગ્રાની શિક્ષિકા હિમાની બુંદેલા અને ISની તૈયારી કરી રહેલા સાહિલ અહિરવાલ માત્ર કરોડ રૂપિયા જીતી શકયા હતા.