Gujarati News

Gujarati News

News of Thursday, 8th March 2018

અમિતાભ બચ્ચન ટુંકમાં નવી ફિલ્મના શુટિંગને શરૂ કરી દેશે

ઠગ્સ ઓફ હિન્દુસ્તાન પર દિન રાત શુટિંગ જારી : અમિતાભ પાસે હાલમાં સૌથી વધારે ફિલ્મો છે : રિપોર્ટ

મુંબઇ,તા. ૮ : બોલિવુડના મહાનાયક અમિતાભ બચ્ચન પાસે હાલમાં સૌથી વધારે ફિલ્મો છે. બોલિવુડના અન્ય અભિનેતા કરતા તેમની પાસે આજની તારીખમાં પણ સૌથી વધારે ફિલ્મો છે જે દર્શાવે છે કે તેમની લોકપ્રિયતા આજે પણ કેટલી છે. દરેક નિર્માતા નિર્દેશક અમિતાભ સાથે ફિલ્મ કરવા માટે ઉત્સુક છે. આટલી મોટી વય થઇ હોવા છતાં ફિલ્મમાં કામ કરવાની ઇચ્છા અકબંધ રહી છે. તેઓ સૌથી વધારે ફિલ્મો સાઇન કરી રહ્યા છે. તેમની ફિલ્મ ૧૦૨ નોટઆઉટ  હાલમાં રજૂ કરવામાં આવી નથી. આ ફિલ્મના ઇન્તજારમાં તમામ ચાહકો છે. આ ફિલ્મને લઇને તમામ કામ પૂર્ણ કરી લીધા પછી અમિતાભ બચ્ચન ઠગ્સ ઓફ હિન્દુસ્તાનનુ શુટિંગ કરનાર છે. જેમાં તેની સાથે આમીર ખાન અને કેટરીના કેફ પણ કામ કરી રહ્યા છે. આમીર અને અમિતાભ પ્રથમ વખત એક સાથે કામ કરવા જઇ રહ્યા છે. આ ફિલ્મનુ શુટિંગ પૂર્ણ કર્યા બાદ અમિતાભ ઝુન્ડ ફિલ્મનુ શુટિંગ કરનાર છે. અમિતાભ આવનાર પોતાની ફિલ્મ ઝુન્ડમાં આગામી ફેબ્રુઆરીમાં વ્યસ્ત થઇ જશે. ઠગ્સ ઓફ હિન્દુસ્તાનનુ શુટિંગ વહેલી તકે જારી છે. ત્યારબાદ તેઓ નાગરાજ મંજુલેની ફિલ્મ માટે શુટિંગ કરશે.અમિતાભ બચ્ચને પોતાના બ્લોગમાં પોતે આ અંગેની માહિતી આપી છે.અમિતાભ બચ્ચન બ્લોગને લઇને પણ સતત વ્યસ્ત રહે છે અને પોતાના કરોડો ચાહકોને પોતાની ફિલ્મના સંબંધમાં માહિતી આપતા રહે છે. ઠગ્સ ઓફ હિન્દુસ્તાન પર દિન રાત કામ થઇ રહ્યુ છે. ઝુન્ડના સંબંધમાં વાત કરતા અમિતાભે કહ્યુ છે કે આ ફિલ્મ ગરીબ ઝુપડપટ્ટીમાં રહેનાર બાળકો પર છે. ફિલ્મના અન્ય કલાકારોના સંબંધમાં હજુ વિગત જાહેર કરવામાં આવી નથી.

(12:58 pm IST)
  • દુનિયાના મહાન વૈજ્ઞાનિક આઈનસ્ટાઈને 42 વર્ષની ઉંમરે તેનાથી 20 વર્ષ નાની ઉંમરની યુવતીને પ્રેમ પત્ર લખ્યો હતો. જો કે આ પ્રેમ પત્ર વિશે ભાગ્યે જ કોઈ જાણતું હશે. આલબર્ટ આઈનસ્ટાઈનના 97 વર્ષ પહેલા લખાયેલા આ પત્રની ઈઝરાયેલની રાજધાની જેરુસેલમમાં 4 લાખ રૂપિયામાં હરાજી થઈ. જો કે એલીસાબેટ્ટા પીસીની નામની એ યુવતીએ આઈનસ્ટાઈનના પ્રેમનો સ્વીકાર કર્યો નહોતો. access_time 12:41 am IST

  • જીતેન્દ્ર પરના જાતિય શોષણના કેસમાં નવો વળાંક : તેની કઝિને ફેરવી તોળ્યું, હવે કહ્યું ‘માત્ર છેડતી કરી હતી, સંબંધ નહોતો બાંધ્યો’ access_time 9:24 am IST

  • આલેલે... : યુપીની 11 માર્ચે યોજાનાર પેટાચૂંટણીમાં પ્રધાનમંત્રી મોદી અને ક્રિકેટર વિરાટ કોહલી બન્યા મતદારો : ગોરખપુરના સહજનવાંમાં મતદાર યાદીમાં નીકળ્યા નામો : વહીવટી તંત્ર થયું ઉંધા માથે : આ ગડબડી સામે આવ્યા બાદ સ્થાનીક નેતાઓ અને અધિકારીમાં મચી અફરાતફરી : ચુંટણી પંચે શરૂ કરી તપાસ access_time 4:36 pm IST