Gujarati News

વરૂણ ધવન એક વર્ષમાં અનેક ફિલ્મોમાં કામ કરે છે. હવે તે ધર્મા પ્રોડકશનની ફિલ્મ કલંક તથા રણભૂમિ કરી રહ્યો છે. આ ઉપરાંત રેમો ડિસુઝાની ડાન્સ ફિલ્મ પણ તેની પાસે છે. આ ફિલ્મમાં પહેલા કેટરીના કૈફને લેવામાં આવી હતી. પણ તેણે ભારત ફિલ્મમાં વ્યસ્ત હોવાથી આ ફિલ્મ છોડી દેતાં હવે નિર્માતાઓએ વરૂણ સાથે શ્રધ્ધા કપૂર અને નોરા ફતેહીને લેવાનું નક્કી કર્યુ છે. રેમોની ફિલ્મ 'સ્ટ્રીટ ડાન્સર'માં શ્રધ્ધા એ પ્રોફેશનલ ડાન્સરના રોલમાં જોવા મળશે. શ્રધ્ધાએ આ પહેલા પણ એબીસીડી-૨માં વરૂણ સાથે કામ કર્યુ છે. શ્રધ્ધાએ કહ્યું હતું કે રેમો સર, પ્રભુદેવા સર અને વરૂણ સાથે બીજી વખત કામ મળતાં હું ઉત્સાહિત છું. ભુષણજીએ મારા પર ફરી વિશ્વાસ કરતાં આ ફિલ્મ મને મળી છે.શુટીંગ ૨૨ જાન્યુઆરીથી પંજાબમાં શરૂ થશે. સ્ટ્રીટ ડાન્સરમાં પ્રભુદેવા, રાઘવ જુયાલ, ધર્મેશ યેલાંડે, પુનિત પાઠક અને શકિત મોહન પણ અભિનય કરશે.