Gujarati News

ટીવી સિરીયલ 'કુમકુમ ભાગ્ય' હાલમાં ટીઆરપીની રેસમાં સતત ટોપ પાંચમાં સામેલ રહે છે. ખુબ સારુ પ્રદર્શન શોવા છતાં આ શોમાં નવા વણાંકો લાવવા નિર્માતા તૈયારી કરી રહ્યા છે. આ શોમાં આગામી દિવસોમાં ખુબ મોટો એટલે કે પચ્ચીસ વર્ષનો લિપ આવશે. એટલે કે શોની કહાનીને પચ્ચીસ વર્ષ આગળ લઇ જવામાં આવશે.

અગાઉ શોમાં સાત વર્ષનો લિપ આવ્યો હતો. એ પછીની કહાનીમાં પ્રજ્ઞા (શ્રુતિ ઝા) અને અભિષેક (શબ્બીર અહલુવાલીયા)ની પુત્રી કિયારાને દેખાડવામાં આવી રહી છે. હવે ખુબ મોટા લિપ પછી નવી જ કહાની અને ટ્વિસ્ટ સાથે નવા કલાકારોની પણ એન્ટ્રી થશે. દર્શકોએ પ્રજ્ઞા અને અભિષેકની જોડીને ખુબ પસંદ કરી છે અને આ શોને પણ ચાહકોએ ખુબ પસંદ કર્યો છે. ત્યારે હવે આગળ નવું શું આવશે? તે બાબતે સોૈ રાહ જોઇ રહ્યા છે.