Gujarati News

અભિનેત્રી અદિતી રાવ હૈદરી આગામી ફિલ્મ સુફિયમ સુજાતયુમને કારણે ઉત્સાહિત છે. ડિજીટલ મિડીયા અમેઝોન પ્રાઇમ પર રિલીઝ થયેલી મ્યુઝિકલ રોમાન્ટીક ડ્રામા પ્રકારની આ ફિલ્મમાં અભિનેતા જયસૂર્યા સાથે અદિતીની ભુમિકા ખુબ જ મહત્વની છે. આ ફિલ્મ દર્શકોને સંગીતમય સફર પર લઇ જશે તેવો દાવો કરવામાં આવ્યો છે. આ ફિલ્મમાં રોલ નિભાવવા બાબતે અદિતી રાવ હૈદરીએ કહ્યું હતું કે મેં કહાની સાંભળતા જ મને પસંદ પડી ગઇ હતી. જો મને કોઇપણ પાત્રની ભાવનાત્મક સફર સાથે ન્યાય કરવામાં થોડો પણ ડર લાગતો હોય તો હું એ રોલ નિભાવવાની હા કહી દઉ છું. આ કહાનીમાં ભોળપણ અને પવિત્રતા છે. આ કારણે જ હું રોલ તરફ આકર્ષિત થઇ હતી. સાઉથની આ ફિલ્મના બે ગીતો પણ અદિતીને ખુબ ગમ્યા છે. તેનો દાવો છે કે દર્શકો પણ આ ગીતોને કારણે મંત્રમુગ્ધ થઇ જશે. ફિલ્મનું નિર્દેશન નારાનીપુઝા શનાવાસે કર્યુ છે.