Gujarati News

Gujarati News

News of Sunday, 7th March 2021

દલકર સલમાન મોંઘી કારનો શોખીન છે

અભિનેતા દલકરે ગાડી ચલાવતા ટ્રાફિક રૂલ તોડ્યો

અભિનેતા ખોટી સાઈડમાં સિગ્નલની રાહ જોઈ રહ્યો હતો

મુંબઈ,તા.7 : સાઉથ ઈન્ડિયન ફિલ્મોનો સ્ટાર એવો એક્ટર દલકર સલમાન હાલમાં જ કેરળમાં એક બ્લૂ કારમાં જોવા મળ્યો હતો. પરંતુ, હાલમાં જ એક વિડીયો વાયરલ થઈ રહ્યો છે કે જેમાં એક્ટર દલકર સલમાન રસ્તા પર ખોટી દિશામાં એટલે કે રોંગ સાઈડમાં ગાડી ડ્રાઈવ કરતો જોવા મળ્યો હતો. જ્યારે પોલીસ ઓફિસરે જોયું કે એક્ટર દલકર સલમાન ખોટી સાઈડમાં સિગ્નલની રાહ જોઈ રહ્યો છે ત્યારે પોલીસવાળો તેની પાસે જઈ પહોંચ્યો અને એક્ટરની ગાડીને પાછી વાળવાનું કહ્યું. આ વિડીયોમાં જોવા મળી રહ્યું છે કે બે યુવાન છોકરા એક્ટર દલકર સલમાનની કારને ફૉલો કરે છે અને સમગ્ર ઘટનાને કેમેરામાં રેકોર્ડ કરે છે. એક્ટર દલકર સલમાન મોંઘી કારનો શોખીન છે, તેની સોશિયલ મીડિયા પોસ્ટ્સમાં પણ ગાડીઓ માટેનો તેનો પ્રેમ જોવા મળે છે. એક્ટર દલકર સલમાન ઘણીવખત કેરળમાં મોંઘીદાટ ગાડીઓની સાથે જોવા મળે છે. હવે જે લેટેસ્ટ ફોટો જોવા મળી રહ્યો છે તેમાં એક્ટર દલકર સલમાન ખોટી સાઈડ પર સિગ્નલ ખુલવાની રાહ જોતો જોવા મળી રહ્યો છે. પોલીસ ઓફિસર ત્યાં તેની ગાડી પાસે પહોંચે છે અને તેને નિયમોનું પાલન કરવાનું કહે છે. ત્યારબાદ એક્ટર દલકર સલમાન ગાડીને રિવર્સ બેક એટલે કે પાછી વાળે છે અને રાઈટ સાઈડમાં આવી જાય છે. અહીં નોંધનીય છે કે એક્ટર દલકર સલમાન જાણીતો મલયાલી અભિનેતા છે અને તેણે કેટલીક હિન્દી ફિલ્મ્સમાં પણ એક્ટિંગ કરી છે. દલકર સલમાને જે હિન્દી ફિલ્મોમાં એક્ટિંગ કરી છે તેમાં કારવાં, ધ ઝોયા ફેક્ટર'નો સમાવેશ થાય છે. અહીં નોંધનીય છે કે એક્ટર દલકર સલમાનના પિતા મમ્મૂટી પ્રખ્યાત મલયાલમ અભિનેતા છે.

(4:06 pm IST)
  • પૂર્વી ચીન સાગરમાં સેના મોકલવાની તૈયારીમાં છે જાપાન : ડ્રેગનને મળશે જડબાતોડ જવાબ :પૂર્વી ચીન સાગરમાં વધતા તણાવને પગલે ડિયાઑયું દ્રીપ સમૂહમાં જાપાન પોતાના સશાસ્ત્રદળ મોકલી શકે છે : ચીની તટ રક્ષકદળે જાપાનમાં સેન્કોક્સના રૂપે જનાર ડિયાઓયુ દ્રીપ સમૂહ આસપાસ પોતાનો વિસ્તાર કર્યો છે access_time 11:52 pm IST

  • સંઘ પ્રદેશના દમણમાં આજે રવિવારે એકી સાથે 9 જેટલા કોરોનાનાં પોઝિટિવ કેસ સામે આવતા આરોગ્ય વિભાગ દોડતું થયું access_time 11:31 pm IST

  • સંભવત: અક્ષય કુમાર અને મિથુન દા બન્ને આવતીકાલે પીએમ મોદી સાથે બ્રિગેડ ગ્રાઉન્ડ, વેસ્ટબંગાળ ખાતે યોજાયેલ જંગી જાહેરસભામાં ભાગ લેશે તેમ સૂત્રોમાંથી જાણવા મળે છે. access_time 9:07 pm IST