Gujarati News

જાણીતા નિર્દેશક અમર કોૈશિક વધુ એક વખત હોરર કોમેડી લાવી રહ્યા છે. બે વર્ષ પહેલા સ્ત્રી નામની ફિલ્મથી દર્શકોનું મનોરંજન કરી ચુકેલા અમરની આ વખતની ફિલ્મનું નામ ભેડિયા છે. જેમાં વરૂણ ધવન અને ક્રિતી સેનનની જોડી વધુ એક વાર સાથે કામ કરશે. આ બંને અગાઉ શાહરૂખ-કાજોલ સાથેની દિલવાલેમાં સાથે દેખાઇ ચુકયા છે. બંનેની જોડી દર્શકોને ગમી હતી. વરૂણ આ ફિલ્મમાં અલગ જ અંદાજમાં જોવા મળવાનો છે. ફિલ્મનું નિર્માણ દિનેશ વિજાન કરી રહ્યા છે. નિરેન ભટ્ટે આ ફિલ્મની કહાની લખી છે. જાન્યુઆરી-૨૦૨૧માં ફિલ્મનું શુટીંગ શરૂ થશે. દિલવાલે પછી વરૂણ અને ક્રિતી પાંચ વર્ષ પછી ફરી સાથે કામ કરશે. વરૂણની કૂલી નંબર-૧ની રિમેક પણ રિલીઝ માટે તૈયાર છે. ક્રિતીની અક્ષય કુમાર સાથેની ફિલ્મ બચ્ચન પાંડેનું શુટીંગ પણ શરૂ થવામાં છે. આ ઉપરાંત મીમી નામની પણ એક ફિલ્મ તેના હાથમાં છે.