Gujarati News

આનંદ એલ. રાયની ફિલ્મ 'ઝીરો'ની દર્શકો આતુરતાથી રાહ જોઇ રહ્યા છે. શાહરૂખ ખાન આ ફિલ્મમાં ઠીંગણાનો રોલ નિભાવી રહ્યો છે. તેની સાથે કેટરીના કૈફ અને અનુષ્કા શર્મા મુખ્ય હિરોઇન છે. ફિલ્મનું ટીઝર રિલીઝ થતાં જ વખાણાયું હતું. ફિલ્મમાં શાહરૂખે બઉઆસિંહ નામના ઠીંગણા વ્યકિતનો રોલ નિભાવ્યો છે. કેટરીના અને અનુષ્કા નાસાની વૈજ્ઞાનિકના રોલમાં છે. આ ફિલ્મનું નામ પહેલા તો 'કટરીના મેરી જાન' એવું રખાયું હતું. જો કે એ પછી ઝીરો નામ ફાઇનલ કરાયું હતું. કેટરીના આ ફિલ્મમાં ખુબ મહત્વના રોલમાં છે. એક જબરદસ્ત આઇટમ સોંગ પણ કેટરીના ઉપર ફિલ્માવાયું છે. કેટરીના અગાઉ પણ જુદી-જુદી ફિલ્મમાં સુપરહિટ આઇટમ સોંગ આપી ચુકી છે. ૨૧મી ડિસેમ્બરે ઝીરો રિલીઝ થશે.