Gujarati News

મુંબઇ,તા.૬ : લોકડાઉન પછી તમામ ટીવી-સિરિયલ જૂની વાર્તા માટે જૂના ટ્રેકનું પેકઅપ કરીને મોસ્ટ ઇન્ટરેસ્ટિંગ કહેવાય એવા ટ્રેક લાવવાનું કામ કરે છે. આ જ કામ શરૂ થયું છે 'રાધાકૃષ્ણ' સ્ટાર ભારતના આ શોમાં હવે કૃષ્ણ-અર્જુન ટ્રેક આવશે, જે છેક મહાભારત સુધી લંબાશે. મહાભારતની આ વાર્તામાં શકુનિ વિના ચાલે નહી એ સૌ કોઈ જાણે છે અને પ્રોડકશન-હાઉસે એટલે જ આ રોલ માટે શકિત કપૂરને ઓફર કરી છે. શકિત કપૂરની આંખોમાં રહેલું કપટ તેને આ રોલ માટે ખેંચી ગયું એવું પણ પ્રોડકશન-હાઉસ કહે છે.

શકિત કપૂર પણ આ ઓફરથી એકસાઇટેડ છે. શકુનિ વિના મહાભારત શકય નહોતું અને એટલે જ શકિત કપૂરને પણ શકુનિ બનવાની વાતમાં રસ જાગ્યો છે.