Gujarati News

ટીવી સિરીયલ કુંડલી ભાગ્યમાં સૃષ્ટિનો રોલ ભજવતી અંજુમા ફાહિક પોતાની હોટ તસ્વીરોથી સોશિયલ મિડીયામાં અવાર-નવાર ચર્ચા જગાવતી રહે છે. અંજુમ એક સામાન્ય પરિવારની છે અને પંદર વર્ષની ઉમરથી જ મોડેલિંગ ક્ષેત્રે કારકિર્દી બનાવવાનું નક્કી કરી લીધુ હતું. અંજુમે કહ્યું હતું કે તે ચોથા ધોરણમાં ભણતી હતી ત્યારથી જ બુરખો પહેરવાનું શરૂ કરવુ પડ્યું હતું. પણ ૨૦૧૦માં તેણે પોતાની ઇચ્છા મુજબની જિંદગી જીવવાનું શરૂ કર્યુ હતું. અંજુમના પરિવારજનો તેના આ નિર્ણયની વિરૂધ્ધ હતાં. મોેડેલિંગ, અભિનયમાં આગળ વધવા માટે અંજુમને પરિવારજનોને છોડવા પડ્યા હતાં. એ ત્યાં સુધી કે પરિવારજનોએ તેની સાથે વાતચીત પણ બંધ કરી દીધી હતી. પણ હવે તે આ ફિલ્ડમાં સફળ થતાં સ્વજનો સાથે ફરી વાતચીત અને આવ-જા શરૂ થઇ છે. અંજુમ ટીવી પરદે સરળ રોલમાં દેખાય છે પણ અસલી જિંદગીમાં બોલ્ડ અને બિન્દાસ્ત છે.