Gujarati News

સૈફ અલી ખાનની દીકરી સારા અલી ખાન અને સુશાંત સિંહ રાજપૂતની ફિલ્મ 'કેદારનાથ'ની શૂટિંગ જોરશોરથી ચાલી રહી છે. આ ફિલ્મની શૂટિંગ અત્યાર સુધી ઉત્તરાખંડમાં કરવમાં આવી હતી. ઉત્તરાખંડના શૂટિંગ શેડ્યુલને ટીમે સારી રીતે પૂર્ણ કર્યું છે અને હવે ફિલ્મનું શૂટિંગ મુંબઈ ખાતે કરવામાં આવશે. મહત્વપૂર્ણ છે કે આ ફિલ્મ સારા અલી ખાનની પહેલી બોલિવૂડ ફિલ્મ છે.

વર્ષ 2018ના ડિસેમ્બર માસમાં રિલીઝ થનારી ફિલ્મ 'કેદારનાથ' માટે હવે મુંબઈમાં સેટ તૈયાર કરવામાં આવશે. આ સેટ પાછળ 7 કરોડનો ખર્ચ કરવામાં આવશે. આ અંગે જાણવા મળતી માહિતી અનુસાર ફિલ્મમાં ઉત્તરાખંડમાં આવેલા પુરનો એક સીન શૂટ કરવાનો છે જેને રીયલ ટચ આપવા માટે મેકર્સ આ ભવ્ય સેટ તૈયાર કરવા માંગે છે. આ સીન માટે મોટા વોટર ટેન્ક મંગાવવામાં આવ્યા છે. મહત્વપૂર્ણ છે કે ફિલ્મનું મોટા ભાગનું શૂટિંગ ઉત્તરાખંડમાં જ થયું છે.