Gujarati News

સંજના સાંઘીએ આમ તો કારકિર્દીની શરૂઆત દસ વર્ષ પહેલા કરી દીધી હતી. પરંતુ તેને દિલ બેચારા ફિલ્‍મ પછી વધુ નામના મળી છે. ૨૦૧૧માં રોકસ્‍ટાર, એ પછી બાર બાર દેખો, હિન્‍દી મિડીયમ, ફુકરે રિટર્ન્‍સ કર્યા બાદ તે હાલમાં જ આદિત્‍ય રોય કપૂર સાથે રાષ્‍ટ્ર કવચ-ઓમમાં જોવા મળી છે. આ ફિલ્‍મમાં તેણે એક્‍શન પણ કરી છે. તેની વધુ બે ફિલ્‍મો ધક ધક અને મુંઝા આવી રહી છે. ઓમ ફિલ્‍મમાં આદિત્‍ય પણ અલગ જ રોલમાં જોવા મળ્‍યો છે. સંજનાએ પણ તેની સાથે બંદૂકો ધારણ કરીને શુટીંગ કર્યુ છે. સંજનાનો એક્‍શન અવતાર લોકોને ખુબ ગમ્‍યો છે. સંજનાએ કહ્યું હતું કે આ ફિલ્‍મના રોલ માટે તેણે મહિનાઓ સુધી સખત તાલિમ લીધી હતી. આદિત્‍યએ પણ પોતે આ ફિલ્‍મ કરીને અત્‍યંત ખુશ હોવાનું કહ્યું હતું. તેણે કહ્યું હતું કે દર્શકો મને એક્‍શન અવતારમાં પણ પસંદ કરશે તેવો વિશ્વાસ હતો. સંજનાએ કહ્યું હતું કે આ ફિલ્‍મે મને એક્‍શન ગર્લ બનવાની તક આપી છે.