Gujarati News

મુંબઇઃ એક્ટ્રેસ દીપિકા પાદુકોણ અને રણવીર સિંહના ત્રીજા રિસેપ્શન પાર્ટીમાં મુંબઈના ગ્રાન્ડ હયાત હોટલમાં રાખવામાં આવી હતી. દીપવીરની આ પાર્ટીમાં બોલિવૂડના ઘણા મોટા સ્ટાર્સ ઉપસ્થિત હતા, જેમાં બોલિવૂડ ઈન્ડસ્ટ્રીના દિગ્ગજ સ્ટાર્સ અમિતાભ બચ્ચન, શાહરુખ ખાન, રેખા, માધુરી દીક્ષિતથી લઈને ક્રિકેટ જગતના કપિલ દેવ, માસ્ટર બ્લાસ્ટર સચિન ટેંડુલકર, મહેન્દ્ર સિંહ ધોની, હાર્દિક પંડ્યા દીપિકા-રણવીરને લગ્નની શુભકામનાઓ પાઠવવા આવ્યા હતા.

આ વચ્ચે બોની કપૂરે પોતાની બંને દીકરી જાહ્નવી અને ખુશી સાથે પાર્ટીમાં આવ્યા. જ્યારે અર્જુન કપૂરે રિસેપ્શનમાં એકલા જ એન્ટ્રી મારી હતી. પાર્ટીમાં અર્જુનના આવ્યાના તરત બાદ તેની કથિત ગર્લફ્રેન્ડ મલાઈકા પાર્ટીમાં પહોંચી ગઈ. તેનાથી કહી શકાય કે બંને સ્ટાર્સ પાર્ટીમાં સાથે આવ્યા હતા, પરંતુ કેમેરાથી બચવા માટે તેમણે અલગ અલગ એન્ટ્રી લીધી.

આટલું જ નહીં મલાઈકાએ પાર્ટીમાં બ્લૂ કલરનું ગાઉન પહેર્યું હતું તો અર્જુન કપૂર પણ નેવી બ્લ્યૂ કલરના સૂટમાં જોવા મળ્યો. અર્જુન અને મલાઈકાનું લિંક-અપ નવું નથી પરંતુ બંને સ્ટાર્સ લાંબા સમયથી એકબીજાને ડેટ કરી રહ્યા છે. તો પાર્ટીમાં મલાઈકાનો એક્સ પતિ અરબાઝ ખાન પણ પહોંચ્યો હતો. અરબાઝ સાથે તેની ગર્લફ્રેન્ડ જોર્જિયા પણ હતી. બંને પાર્ટીમાં એકસાથે જોવા મળ્યા ત્યારે સૌ કોઈની નજર તેમના પર ટકીને રહી ગઈ. પાર્ટીમાં મલાઈકા અને અરબાજે એકબીજા સાથે વાત કરી, તો અર્જુન અને અરબાઝે એકબીજા સાથે વાત કરવાનું તો દૂર જોવાનું પણ પસંદ નહોતું કર્યું. બંને સમગ્ર પાર્ટી દરમિયાન એકબીજાને ઈગ્નોર કરતા જોવા મળ્યા.

હાલમાં અર્જુન કપૂર અને મલાઈકાનું અફેર ચર્ચામાં છે. થોડા દિવસો અગાઉ જ માહિતી મળી હતી કે મલાઈકા અને અર્જુન એક જ ઘરમાં શિફ્ટ થવાના છે. તો મલાઈકાના ગળામાં પણ AMનું પેન્ડેન્ટ જોવા મળ્યું હતું.