Gujarati News

મુંબઇ,તા. ૩: સોનાક્ષી સિંહાએ ભુજમાં તેની હોરર-કોમેડી 'કાકુડા'નું શેડ્યુલ પૂરું કરી લીધું છે. આ ફિલ્મમાં તેની સાથે રિતેશ દેશમુખ અને સાકિબ સલીમ પણ જોવા મળશે. આ ફિલ્મનું શૂટિંગ જુલાઈમાં શરૂ કરવામાં આવ્યું હતું. ૨૦૨૨માં આ ફિલ્મને ડિજિટલ પ્લેટફોર્મ પર રિલીઝ કરવામાં આવશે. રોની સ્ક્રૂવાલાએ આ ફિલ્મને પ્રોડ્યુસ કરી છે. મરાઠી ફિલ્મ 'કલાસમેટ્સ', 'મૌલી'અને 'ફાસ્ટર ફેની'ના ડિરેકટર આદિત્ય સરપોતદાર આ ફિલ્મને ડિરેકટ કરશે. ફિલ્મમાં દેખાડવામાં આવશે કે એક ગામને વિચિત્ર શ્રાપ મળ્યો હોય છે અને કેવી રીતે ૩ જણ એ ભૂતનો સામનો કરે છે. આ ફિલ્મ ડરની સાથે લોકોને હસાવશે પણ. ફિલ્મનું શેડ્યુલ પૂરું થતાં રેપ-અપ પાર્ટીનો વિડિયો ઇન્સ્ટાસ્ટોરી પર શેર કરીને કેપ્શન આપી હતી કે ભુજમાં 'કાકુડા'નું શેડ્યુલ પૂરું થયું છે.