Gujarati News

વર્ષ ૨૦૦૫માં આવેલી ફિલ્મ 'બંટી ઓૈર બબલી'એ બોકસ ઓફિસ પર ધમાલ મચાવી દીધી હતી. અભિષેક બચ્ચન અને રાની મુખર્જીની જોડીને દર્શકોએ ખુબ પસંદ કરી હતી. તે વખતે આ બંને સગાઇ કરી લેશે તેવી વાતો પણ વહેતી થઇ ગઇ હતી. હવે આ ફિલ્મની સિકવલની તૈયારી થઇ રહી છે. સિકવલનું નામ 'બંટી ઓૈર બબલી અગેઇન' એવું નામ અપાયું છે. જેમાં અભિષેક અને રાનીની જોડી ફરી ધમાલ મચાવશે. આ અઠવાડીએ જ ફિલ્મનું શુટીંગ શરૂ થઇ જશે તેવી ચર્ચા છે. આમ તો લાંબા સમયથી સિકવલની ચર્ચા થઇ રહી હતી. પણ હવે નિર્માતાઓએ બધુ ફટાફટ નક્કી કરી લીધું છે. શાદ અલીને આ ફિલ્મના નિર્દેશનની જવાબદારી સોંપાઇ છે. ફિલ્મના શુટીંગ માટે મુંબઇમાં ખાસ સેટ ઉભો કરવામાં આવ્યો છે. રાની અને અભિષેક 'લાગા ચુનરી મેં દાગ' ફિલ્માં પણ સાથે હતાં. રાનીની મર્દાની-૨નું શુટીંગ ચાલી રહ્યું છે. જ્યારે અભિષેક સંજય લીલા ભણશાલીની ફિલ્મની તૈયારી કરી રહ્યો છે.