Gujarati News

આ વર્ષે મે મહિનામાં સોનમ કપૂરે પોતાના બૉયફ્રેન્ડ આનંદ આહુજા સાથે લગ્ન કરી લીધા હતા. પરંતુ આનંદ પહેલા સોનમ ગ્લેમ વર્લ્ડની કેટલીક જાણીતી પર્સનાલિટીઝને ડેટ કરતી હતી. તેમાંથી એક નામ છે મોડેલ અને આંત્રપ્રોન્યોર સાહિર બેરીનું.

સોનમના લગ્નના પાંચ મહિના પછી તેના એક્સ બૉયફ્રેન્ડ સાહિર બેરીએ DLF ગૃપના કુશલ પાલ સિંહની પૌત્રી અને રાજીવ સિંહની દીકરી સાવિત્રી સાથે દિલ્હીમાં ધામધૂમથી લગ્ન કરી લીધા છે. આફ્રિકન થીમ પર યોજાયેલા તેમના ભવ્ય લગ્નની ચર્ચા આખા દિલ્હીમાં થઈ હતી.

સાહિર બિનોય બેરીનો પુત્ર છે અને કોન્ટેક ગ્લોબલનો ડિરેક્ટર છે. તેણે AfriOne NowNow કંપનીઝ પણ શરુ કરી છે. બીજી બાજુ સાવિત્રી DLF ગૃપમાં લોધી હોટેલ અને DLF એમ્પોરિયોની દેખરેખ રાખે છે. આ બંને ઘણા સમયથી રિલેશનશીપમાં હતા અને તેમણે લગ્નના બંધનમાં બંધાઈ જવાનું નક્કી કર્યું હતું.

સાહિર અને સાવિત્રીના લગ્નનો જશ્ન 25 ઓક્ટોબરથી 27 ઓક્ટોબર સુધી ચાલ્યો હતો. આ લગ્નમાં દિલ્હીના તમામ મોટામાથાઓએ હાજરી પૂરાવી હતી. 25 ઓક્ટોબરે તેમનું સંગીત હતુ જેમાં 3000 લોકોએ હાજરી પૂરાવી હતી.

આ લગ્નમાં જ્યોતિરાદિત્ય સિંદિયા, શોભના તથા શ્યામ ભારતીય, દિગ્વિજય સિંહ, ડાબરના આનંદ બર્મન, પવન મુંજાલ, હોટેલિયર પ્રિયા પૌલ, સોનિયા અને આરપીએમ સિંહ અને અન્ય અનેક દિગ્ગજો હાજર રહ્યા હતા.

તેમના લગ્નમાં મિકા સિંહ, સુખબીર, ગુરુ રંધાવા, અદનાન સામી, એર આર રહમાન, હર્ષદીપ કૌર, નાઈજેરિયન ગાયક વિઝકિડે ધમાકેદાર પરફોર્મન્સ આપ્યા હતા.

કપલે ધામધૂમથી લગ્ન કર્યા બાદ શકુંતલા ફાર્મ્સ પૃથ્વીરાજ રોડ પર શાનદાર રિસેપ્શન આપ્યું હતુ.