Gujarati News

મુંબઇઃ ફિલ્મ અભિનેતા રાજકુમાર અને શ્રધ્ધા કપુરને ચમકાવતી ફિલ્મ 'સ્ત્રી'નું પ્રથમ ગીત રીલીઝ કરવામાં આવ્યું છે. આ ગીત સાંભળીને ફિલ્મ રસીકો ઝુમવા લાગશે.

ગીતની શરૂઆતમાં પંકજ ત્રિપાઠી પણ નજરે પડે છે, પરંતુ આ ગીતનો અંત વધુ મજેદાર છે, જેમાં બધા એક્ટર્સ સ્ત્રી બનીને નાચતાં જોવા મળી રહ્યા છે. એક દિવસ પહેલાં આ ગીતનું ટીઝર રિલીજ કરવામાં આવ્યું હતું. આ ગીતને મીકા સિંહ અને સચિન જિગરે ગાયું છે. સચિન-જિગરે જ આ ગીતને સંગીત આપ્યું છે. ગીતમાં મજેદાર મિસ્ટ્રી પણ છે. તમે પણ જુઓ સ્ત્રીનું આ પ્રથમ ગીત. 

તમને જણાવી દઇએ કે થોડા સમય પહેલાં જ આ ફિલ્મનું 'ટ્રેલર' રિલીજ થયું હતું. જેને ખૂબ પસંદ કરવામાં આવી રહ્યું છે. આ ફિલ્મનું નિર્દેશન અમર કૌશિકે કર્યું છે. ફિલ્મમાં રાજકુમાર રાવની કોમિક ટાઇમિંગ જોવા લાયક છે. આ ફિલ્મ 31 ઓગસ્ટના રોજ રિલીજ થઇ રહી છે.