Gujarati News

ટીવી પરદાનું જાણીતુ યુગલ સરગુન મહેતા અને રવિ દૂબેએ તાજેતરમાં માલદિવમાં રજા માણી હતી. રવિ અને સરગૂને સોશિયલ મિડીયા પર ત્યાંની અનેક તસ્વીરો પોસ્ટ કરી હતી. આ તમામ તસ્વીરોમાં રવિ અને સરગૂન ખુશખુશાલ જોવા મળી રહી છે. સરગૂને બ્લુ રંગની બિકિનીવાળી તસ્વીરો પણ પોસ્ટ કરી હતી. જ્યારે રવિએ વ્હાઇટ શોર્ટસ અને પ્રિન્ટેડ શર્ટ પહેર્યા હતાં. માલદિવની આ તસ્વીરો સાથે સરગુને કેપ્શન લખ્યું હતું કે-વેકેશન મૂડ ઓન. સરગૂનના હાથમાં શેમ્પેઇનની બોટલ પણ દેખાઇ રહી છે. સરગૂન એકદમ રંગીલા અંદાજમાં દેખાઇ રહી હતી. ટીવી પરદાના આ જાણીતા કપલે પહેલી વખત '૧૨/૨૪ કરોલ બાગ' શોમાં સાથે કામ કર્યુ હતું. જેમાં બંનેએ પતિ-પત્નિનો રોલ નિભાવ્યો હતો. ત્યાંથી જ બંનેની લવસ્ટોરી શરૂ થઇ હતી. ૨૦૧૩માં બંનેએ લગ્ન કરી લીધા હતાં. સરગૂન પંજાબી ફિલ્મોમાં કામ કરવાની છે.તો રવિ હવે જમાઇરાજા-૨માં જોવા મળશે.