Gujarati News

મુંબઇ તા. ૨ : લગ્ન બાદ ઐશ્વર્યા રાય બચ્ચન ફિલ્મોમાં ઓછી સક્રિય છે. જોકે, તેણે 'જઝબા', 'સરબજીત'અને 'એ દિલ હૈ મુશ્કિલ'માં કામ કર્યું છે. આમાં 'એ દિલ હૈ મુશ્કિલ'માં તેના રણબીર કપૂર સાથે ઈન્ટિમેટ સીન્સને કારણે તે ખૂબ ચર્ચામાં રહી અને વિવાદ પણ થયો. એક સમયે તો એવી અફવા પણ ફેલાઈ કે, આ ફિલ્મમાં તેના કામથી બચ્ચન પરિવાર નારાજ છે અને એશનું લગ્નજીવન ભંગાણને આરે છે. જોકે, આ બધી માત્ર અફવાઓ જ સાબિત થઈ અને હવે અનિલ કપૂર સાથે 'ફન્ને ખા'માં જોવા મળશે. આ સિવાય તે અન્ય એક ફિલ્મ કરી રહી છે અને મજાની વાત એ છે કે, તે આ ફિલ્મમાં ડબર રોલમાં જોવા મળશે.

'દિન ઔર રાત'નામની આ ફિલ્મમાં ઐશ્વર્યા રાય પોતાના કરિયરમાં પહેલીવાર ડબલ રોલ પ્લે કરતી જોવા મળશે. ઉલ્લેખનીય છે કે, આ ફિલ્મ ૧૯૬૭માં આવેલી સત્યેન બોસ નિર્દેશિત ફિલ્મ 'રાત ઔર દિન'ની રીમેક છે. જોકે, હવે ફિલ્મના ટાઈટલને ઉલટું કરી દેવાયું છે.

ઐશ્વર્યા આ ફિલ્મમાં મલ્ટિપલ ડિઝઓર્ડરથી પીડાતી છોકરીનું પાત્ર ભજવશે. એશ ઘણા સમયથી ચેલેન્જિંગ રોલ કરવા માગતી હતી અને આ ફિલ્મથી તેની ઈચ્છા પૂરી થતી દેખાઈ રહી છે.

'દિન ઔર રાત'માટે ઐશ્વર્યાને પસંદ કરાઈ તે પહેલા આ ફિલ્મ માટે તબૂ અને માધુરી દીક્ષિતને એપ્રોચ કરાઈ હોવાના ન્યૂઝ સામે આવ્યા હતા. પણ તેવું બની ન શકયું. આ ફિલ્મને પ્રેરણા અરોડા અને અર્જુન એન કપૂર પ્રોડ્યૂસ કરશે. અત્યારે ઐશ્વર્યા પોતાની આગામી ફિલ્મ 'ફન્ને ખાં'ના શૂટિંગમાં વ્યસ્ત છે. આમાં તેની સાથે અનિલ કપૂર જોવા મળશે. આ જોડી 'તાલ'ફિલ્મ બાદ ૧૭ વર્ષે સ્ક્રિન શેર કરતા દેખાશે.(૨૧.૧૦)