Gujarati News

ટાઇગર શ્રોફની ખાસ મિત્ર ગણાતી દિશા પટાની દેખાવમાં ભલે નાજુક નમણી હોય, પણ તે ફિલ્મોમાં સ્ટંટ સિન માટે ડુપ્લીકેટનો ઉપયોગ કરવાને બદલે પોતે જાતે જ આ દ્રશ્યો આપે છે. સલમાન ખાન સાથેની ફિલ્મ 'ભારત'માં દિશાને ખાસ રોલ મળ્યો છે. આ ફિલ્મમાં તે સલમાન સાથે જબરદસ્ત સ્ટંટ કરતી જોવા મળવાની છે. દિશાએ જ્યારે પોતે જાતે જ સ્ટંટ કરશે તેવું કહ્યું ત્યારે સેટ પર હાજર બધા ચોંકી ગયા હતાં. નિર્દેશક પણ દિશાના આ નિર્ણયથી ખુશ થઇ ગયા હતાં. આ કારણે દ્રશ્યોમાં વાસ્તવીકતા વધી ગઇ હતી. દિશા પટાની અવાર-નવાર સોશિયલ મિડીયા પર પોતાના સ્ટંટ દ્રશ્યોની ટ્રેનિંગના ફોટા અને વિડીયો પોસ્ટ કરતી રહે છે. લૂક અને ડાન્સીંગથી પણ તે ચાહકોને પ્રભાવીત કરે છે.