Gujarati News

Gujarati News

News of Thursday, 1st April 2021

એસીપી ક્રાઇમ ડી. વી. બસીયાનો આજે ૫૬મો જન્મદિવસઃ શુભેચ્છાઓનો વરસાદ

રાજકોટઃ શહેર ક્રાઇમ બ્રાંચમાં એસીપી તરીકે ફરજ બજાવતાં શ્રી ડી. વી. બસીયાનો આજે જન્મદિવસ છે. મુળ અમરેલીના કુકાવાવના વતની છે. અગાઉ તેમણે રાજકોટ શહેર બી-ડિવીઝન તેમજ એસઓજી પીઆઇ તરીકે પ્રશંસનીય ફરજ બજાવી હતી. એ પછી પોરબંદર એલસીબી પીઆઇ તરીકે તેમની ખાસ નિમણુંક કરવામાં આવી હતી. ત્યાં ફરજમાં હતાં ત્યારે લીમડી ડીવાયએસપી તરીકે પ્રમોશન મળ્યું હતું. એ દરમિયાન અનેક ભેદભરમ યુક્ત ઘટનાઓમાં સચોટ તપાસ કરી હતી. ગુનેગારો સામે કડક કામગીરી માટે જાણીતા શ્રી ડી. વી. બસીયા હાલમાં રાજકોટ શહેર ક્રાઇમ બ્રાંચમાં એસીપી તરીકે ફરજ બજાવી રહ્યા છે. કોરોનાકાળ વખતે તેમની આગેવાની હેઠળની ટીમોએ પોલીસ કમિશનરશ્રી મનોજ અગ્રવાલ અને જોઇન્ટ પોલીસ કમિશનરશ્રી ખુરશીદ અહેમદના માર્ગદર્શન હેઠળ સતત નોંધનીય કામ કર્યુ છે. સંક્રમણ અટકાવવાની સરકારની માર્ગદર્શિકા મુજબની કાર્યવાહી તેમજ જરૂર હોય ત્યાં માનવતાવાદી અભિગમથી કરવામાં આવેલી કામગીરીની પણ સતત નોંધ લેવામાં આવી છે. શ્રી બસીયાને આજે ૫૬મા જન્મદિવસે ઉચ્ચ અધિકારીઓ તથા પોલીસ કર્મચારીઓ અને બહોળા મિત્રવર્તુળ સ્નેહીજનો તરફથી (મો.૯૯૦૯૪ ૬૩૦૩૦) સતત શુભેચ્છાઓ મળી રહી છે.

(11:38 am IST)
  • કોરોના સંક્રમણની રાજકોટ શહેર - જિલ્લામાં અતિભયજનક સ્થિતિ થતી જાય છે : ગઈકાલે સવારે 8 થી આજે સવારે 8 વાગ્યા સુધીમાં 31 લોકોના સરકારી ચોપડે દુઃખદ મૃત્યુ નોંધાયા : લોકો ફફળી ઉઠ્યા : આજ સવાર સુધીમાં સરકારી અને ખાનગી હોસ્પિટલોમાં 267 બેડ ઉપલબ્ધ access_time 10:10 am IST

  • કોરોના રોગચાળો હવે પર્યાવરણ માટે પણ મોટો ખતરો બની ગયો છે. કોરોનાથી બચવાના ઉપાયમાં સિંગલ યુઝ માસ્ક અને પીપીઇ કીટ સૌથી મહત્વપૂર્ણ છે. દરરોજ કરોડોની સંખ્યામાં તેનો ઉપયોગ રોજ કરવામાં આવી રહ્યો છે, પરંતુ તેમને સુરક્ષિત રીતે નષ્ટ કરવા માટે કોઈ ફ્રેમવર્ક તૈયાર કરવામાં આવ્યું નથી. ખરાબ કે તૂટેલા માસ્ક વિશ્વભરમાં જમીન, સમુદ્ર અને નદીઓ માટે જોખમ બની ગયા છે. તબીબી કચરા તરીકે તેનો નાશ કરવાને બદલે, તેને ક્યાંય પણ ફેંકી દેવામાં આવી રહ્યા છે. access_time 10:04 pm IST

  • મહારાષ્ટ્રમાં કોરોના ગાંડોતૂર બનતા દેશમાં અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 લાખને પાર પહોંચ્યો :વધુ 684 દર્દીઓના મોત: રાત્રે 12 વાગ્યા સુધીમાં કોરોનાના નવા 1,26,265 કેસ નોંધાયા :કુલ કેસની સંખ્યા 1,29,26,061 થઇ :એક્ટિવ કેસ 9,05,021 થયા વધુ 59,132 દર્દીઓ સ્વસ્થ થતા કુલ 1,18,48,905 થયા :વધુ 684 લોકોના મોત સાથે કુલ મૃત્યુઆંક 1,66,892 થયા: દેશમાં સૌથી વધુ મહારાષ્ટ્રમાં નવા 59,907 નવા કેસ નોંધાયા access_time 12:51 am IST