Gujarati News

Gujarati News

News of Saturday, 31st October 2020

ભાણવડમાં એકજ દિ'માં બે અજગર નીકળ્યા !!

ખંભાળીયા તા. ૩૧: ભાણવડનો બરડા ડુંગરનો વિસ્તાર દુર્લભ જાતિના સાપો માટે ભંડાર સમાન થવા લાગ્યો છે તથા ભાણવડ એનિમલ લવર્સ ગૃપની જાગૃતતા તથા વિનામૂલ્યે ગમે તે સ્થળે ગામે પહોંચીને રેસ્કયુ કરવાની પ્રવૃત્તિ તથા સાપની ઝેરી બીન ઝેરી જાતિ વિષે સતત જાણકારી આપવાની લોકોમાં મારવાની વૃત્તિ પણ ઘટી છે ત્યારે ગઇકાલે એકજ દિવસમાં બે મહાકાય અજગર નીકળતા તેના સફળ રેસ્કયુ કરાયા હતા.

ભાણવડના કપુરડી નેશ વિસ્તારમાં એક ખેડૂતને રાત્રે વિશાળકાય ૧ર ફૂટ લાંબો જાડો અજગર દેખાતા તેમણે વનવિભાગ ભાણવડને જાણ કરતા તેમણે તુરત જ આ અજગરને પકડવા બાબતે એનિલમ લવર્સ ગૃપ ભાણવડના એ.આર. ભટ્ટનો સંપર્ક કરતા તેમણે તુરત જ સ્થળ પર પહોંચીને બરડા ડુંગરમાં આ વિશાળ અજગરનું સફળ રેસ્કયુ કર્યું હતું. બાદ તે પણ તુરતજ ભાણવડની ફલકુ નદી પાસે પણ સાત ફુટ લાંબો વિશાળકાય અજગર નીકળતા ત્યાં લોકોના ટોળા ભેગા થઇ ગયા હતાં ત્યાંથી પણ આ અજગરને પકડી સફળ રેસ્કયુ કરી બરડા જંગલમાં મુકવામાં આવ્યા હતા.

વન વિભાગના કોટાભાઇ, કરીરભાઇ, ઓડેદરાભાઇ, કુછડીયાભાઇ, એનિમલ લવર્સ ગૃપના અશોકભાઇ ભટ્ટ વિ. જોડાયા હતા.

(11:36 am IST)
  • રાજ્યના અધિક મુખ્ય સચિવ સંગીતા સિંઘ આજે વયમર્યાદાના કારણે ગૃહ વિભાગમાંથી નિવૃત્ત થતા સરકારે તેમને રાજ્યના વિજીલન્સ કમિશનર તરીકે નિમણુંક આપી છેઃ અત્યાર સુધી આ જગ્યાનો વધારાનો હવાલો તેમની પાસે હતોઃ સંગીતા સિંઘને લાગુ પડતો વિગતવાર હૂકમ હવે પછી થશે access_time 5:11 pm IST

  • કોરોનાએ ભયાનક ફુંફાડો માર્યો : બુધવારથી સમગ્ર ઇંગ્લેન્ડમાં લોકડાઉન લાદી દેવાશે તેવા હેવાલોઃ ઇંગ્લેન્ડના પીએમ બોરીસ જોન્સન ગંભીરતા પૂર્વક વિચારે છેઃ ટાઇમ્સ : અત્યારે વિશ્વમાં જર્મની (આવતા અઠવાડીયાથી), ફ્રાન્સ, બેલ્જીયમ, ઝેક, રીપબ્લીક, આયરલેન્ડ, યુ.કે. (ઉત્તરીય આયરલેન્ડ) અને વેલ્સમાં લોકડાઉન પ્રવર્તે છે. access_time 12:40 pm IST

  • ફાયનાન્સ મિનિસ્ટર નિર્મલા સીતારમણને મારા પ્રત્યે પૂર્વગ્રહ હતો : મારી બદલી તેમણે વિદ્યુત ડિપાર્ટમેન્ટમાં કરી નાખી : પૂર્વ ફાયનાન્સ મિનિસ્ટર અરુણ જેટલી સાથે મારે સારા સબંધ હતા : નિર્મલા સીતારમણના અમુક નિર્ણયો જેવા કે આરબીઆઇ સાથેનો વહેવાર ,નોન બેન્કિંગ કંપનીઓ માટે પેકેજ ,ક્રેડિટ ગેરંટી યોજના સહિતની બાબતે અમારે મતભેદ હતો : તેથી મેં એક વર્ષ વહેલી નિવૃત્તિ લઇ લીધી : સીનીઅર આઈ એ એસ નિવૃત ઓફિસર સુભાષચંદ્ર ગર્ગે નિવૃત થયાના એક વર્ષ પછી મોઢું ખોલ્યું access_time 6:46 pm IST