Gujarati News

(વિનુ જોષી દ્વારાા જૂનાગઢ તા.૨૫ જૂનાણામાં જાવું કે,ﾠદામોદરકુંડમાં નાવું એ હાલ તને હાલ સૌરાષ્ટ્ર બતાવું...ﾠઓ રાજ મને લાગ્‍યો કસુંબીનો રંગ જેવી રચનાઓ દ્વારા જાણીતા કલાકારોએ આઝાદીના અમૃત મહોત્‍સવ અંતર્ગત યોજાયેલ સાંસ્‍કૃતિક અમૃત યાત્રા કાર્યક્રમમાં દેશભક્‍તિના સુર રેલાવ્‍યા હતા. સાથે જ દેશને મહામુલી આઝાદી સાથે જોડાયેલ પ્રસંગોને પણ રજૂ કરી જૂનાગઢવાસીઓને દેશભકિતમાં  ભાવવિભોર  કર્યા હતા.

ﾠઆઝાદીના અમૃત મહોત્‍સવ અંતર્ગત આઝાદીની અમૃત યાત્રા શીર્ષક હેઠળ પાર્શ્વ ગાયક પાર્થિવ ગોહિલ,ﾠસાંત્‍વની ત્રિવેદી,ﾠબહાદુર ગઢવી,ﾠપરીન્‍દા જાનીએ વિવિધ રચનાઓ દ્વારા જૂનાગઢના સંગીતપ્રેમીઓને રસતરબોળ કર્યા હતા. સાથે જ  કલાકારો દ્વારા  આઝાદી સાથે જોડાયેલા પ્રસંગો પર આધારીત અદ્દભુત મલ્‍ટી મીડિયા શો નિહાળી જૂનાગઢવાસીઓ અભિભુત બન્‍યા હતા. જૂનાગઢની રાધા મહેતાએ જૂનાગઢ મુક્‍તિ દિન ઘટના રજૂ કરી હતી. કાર્યક્રમનું સંચાલન જાણીતા લોકસાહિત્‍યકાર ડો.રણજીત વાંકે કર્યું હતું.

કાર્યક્રમમાં જૂનાગઢ મનપા મેયર શ્રીમતી ગીતાબેન પરમાર,ﾠસ્‍ટેન્‍ડીંગ કમિટીના ચેરમેન હરેશભાઇ પરસાણા, પૂર્વ મેયર ધીરૂભાઇ ગોહેલ, આદ્યાશક્‍તિબેન મજમુદાર, જયોતિબેન વાછાણી, કોર્પોરેટરો, અગ્રણીઓ સહિતના ઉપસ્‍થિત રહ્યા હતા.ﾠ

અત્રે ઉલ્લેખનીય છે કે,ﾠવડાપ્રધાનશ્રી નરેન્‍દ્રભાઇ મોદીના નેત્તૃત્‍વમાં દેશની આઝાદીના ૭૫ વર્ષ આઝાદી કા અમૃત મહોત્‍સવની રાષ્ટ્ર વ્‍યાપી ઉજવણી કરવામાં આવી રહી  છે.