Gujarati News

(પ્રવિણ વ્યાસ દ્વારા)મોરબી,તા. ૧૭: ગઠિયાઓ લોકોને છેતરવા માટે નીતનવા કીમિયા અજમાવતા હોય છે જેમાં હાલ મોરબી પંથકમાં પોલીસના યુનિફોર્મ પહેરીને ગૌશાળાના નામે તેમજ ધાર્મિક સંસ્થાના નામે રૂપિયાના ઉઘરાણા કરી રહ્યા હોય ત્યારે નાગરિકોને સાવચેતી રાખવા માટે અપીલ કરવામાં આવી છે.

મોરબી શહેર અને આસપાસના વિસ્તારમાં હાલ બે ઈસમો પોલીસની ખાખી વર્ધી ધારણ કરીને વિવિધ ઓફીસ અને દુકાનોમાં જઈને તેઓ ગૌશાળા અને ધાર્મિક સંસ્થા માટે નાણા એકત્ર કરી રહ્યા હોવાનું જણાવીને રૂપિયાના ઉદ્યરાણા કરવામાં આવી રહ્યા છે અને સીસીટીવી કેમેરામાં બે ઈસમો કેદ થયા છે જે ઉદ્યરાણા કરતા હોવાની પોલીસને માહિતી મળી છે ત્યારે મોરબી સીટી એ ડીવીઝન પીઆઈ બી પી સોનારાએ લોકોને જાગૃત બનવા તેમજ સીસીટીવી કેમેરામાં દેખાતા ઈસમો કયાય જોવા મળે તો એ ડીવીઝન પોલીસ મથક નંબર ૦૨૮૨૨ ૨૩૦૧૮૮ અથવા પોલીસ કંટ્રોલ રૂમ ૦૨૮૨૨ ૨૪૩૪૭૮ પર માહિતી આપવા અનુરોધ કરાયો છે.