Gujarati News

Gujarati News

News of Friday, 9th February 2018

જુનાગઢ પાસે રાત્રે ઉકા મોરીની હત્યા

ધોરાજી ચોકડી પાસે કાર સાથે કારની ટક્કરથી મામલો બિચકયોઃ ૪ શખ્સો ફરાર

જુનાગઢ તા.૯: જુનાગઢ પાસે રાત્રે કાર સાથે કારની ટક્કરથી ૪ શખ્સો ઉકાભાઇ મોરી નામના યુવાનની હત્યા કરીને ફરાર થઇ જતા સનસનાટી મચી જવા પામી છે.

આ અંગેની વિગતો એવી છે કે.જુનાગઢના પંચેશ્વરમાં વિસ્તારમાં રહેતો વિરાભાઇ ધાનાભાઇ મુછળ (ઉ.વ.૨૯) અને ઉકાભાઇ હમીરભાઇ મોરી (ઉ.વ.૨૧) ગત રાત્રે ૧૦-૩૦ના અરસામાં હોન્ડા સીડી કારમાં જઇ રહ્યા હતા.

ત્યારે જુનાગઢ પાસે ધોરાજી ચોકડી ખાતે હોન્ડા સીટી કાર આગળની સફેદ રંગની કાર સાથે અથડાઇ ગઇ હતી.

જેથી અજાણી સફેદ કારમાંથી  ૪ અજાણ્યા ૨૫ થી ૩૦ વર્ષની વયના અજાણ્યા શખ્સોએ ઉતરીને વિરા મુછળ અને ઉકા મોરી સાથે બોલાચાલી કરી હતી.

જેમાં એક શખ્સે ઉકાભાઇ ઉપર છરી વડે હુમલો કરી તેની હત્યા નીપજાવી હતી. આ હુમલામાં વિરાભાઇને પણ ઇજા પહોંચી હતી.

હત્યા બાદ ચારેય શખ્સો તેમની કારમાં નાસી ગયા હતા. આ અંગેની જાણ થતા તાલુકા પી.એસ.આઇ, બી.બી.લકકડ સ્ટાફ સાથ દોડી ગયા હતા અને હત્યારાઓને ઝડપી લેવા નાકાબંધી કરી હતી.

પોલીસે વિરા મુછળની ફરિયાદ લઇ હત્યારાઓની શોધખોળ હાથ ધરી છે.

(11:50 am IST)
  • મૈક્સિકોમાં ભૂકંપનો આંચકો : પશ્ચિમી પ્રશાંત કાંઠે 5,8ની તીવ્રતાનો ભૂકંપ : જલિસકો અને કોલીમાં રાજ્યની સીમા નજીક કિનારાથી 30 કી, મી, દૂર કેન્દ્રબિંદુ : નુકશાનના કોઈ અહેવાલ નથી access_time 9:22 am IST

  • કલોલનાં દેવચોટીયા ગામે લાકડાના ફટકા મારી પતિએ કરી પત્નિની હત્યા access_time 2:03 pm IST

  • જયપુરના જિલ્લા જજ ગજાનંદ શર્મા લાપતા : સવારથી ઘરેથી ગુમ : રાત સુધી કોઈ પતો નહીં લાગતા પરિવારજનોએ પોલીસમાં રિપોર્ટ કર્યો : પોલીસે કેટલાય સ્થળોએ કરી તપાસ access_time 9:23 am IST