Gujarati News

Gujarati News

News of Thursday, 29th October 2020

મનપામાં ખાતાકિય પરિક્ષા દ્વારા ૯પ જુ. કલાર્કને સીનિયર કલાર્કની બઢતી

રાજકોટ તા. ર૯: અત્રેની મહાનગરપાલિકાની કચેરીમાં ખાતાકિય પરિક્ષા લઇ અને ૯પ જુનિયર કલાર્કોને સિનિયર કલાર્ક પદે બઢતી આપતાં હુકમો મ્યુ. કમિશ્નર ઉદિત અગ્રવાલે કર્યા છે.

આ અંગેની વિગતો મુજબ રાજકોટ મહાનગરપાલિકામાં સિનીયર કલાર્ક સંવર્ગની ખાલી જગ્યાઓ જુનિયર કલાર્ક સંવર્ગમાંથી બઢતીથી ભરવા ખાતાકીય પરીક્ષા લેવામાં આવેલ. ખાતાકીય પરીક્ષાના નિયત ધારાધોરણો મુજબ, વંચાણે-૧ ની ડીપાર્ટમેન્ટલ પ્રમોશન કમિટી (ડી.પી.સી.) ની મિટીંગ તા. ૧ર-૧૦-ર૦ર૦ના રોજ રાખવામાં આવેલ. જેની કાર્યવાહી નોંધ અનુસાર નિયત પાત્રતા ધરાવતા અને જુનિયર કલાર્ક સંવર્ગની પ્રવકતાયાદી (સિનીયોરીટી લીસ્ટ) માં અગ્રતાક્રમે આવતા કુલ ૯પ કર્મચારીઓને સિનીયર કલાર્ક સંવર્ગ પર સાતમાં પગાર પંચ મુજબ પે મેટ્રિકસ લેવલ-૪, રૂ. રપપ૦૦-૮૧૧૦૦ ના પગાર ધોરણમાં નિર્દિષ્ટ શરતોને આધિન તેઓના નામ સામે દર્શાવેલ શાખામાં સિનીયર કલાર્ક સંવર્ગમાં બઢતી આપવાનો આથી હુકમ કરવામાં આવે છે.

આ હુકમથી વેરા વસુલાત, સામાન્ય વહીવટ, બાંધકામ, સોલીડ વેસ્ટ, ટાઉન પ્લાનીંગ, એસ્ટેટ, વર્કશોપ, સેન્ટ્રલ સ્ટોર, હિસાબી શાખા, ટ્રાફિક એન્ડ ટ્રાન્સપોર્ટ, સ્નાનાગાર, સુરક્ષા શાખા, લાયબ્રેરી વિગેરે વિભાગમાં સિનિયર કલાર્ક પદે બઢતીઓ અપાઇ છે.

(4:07 pm IST)
  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • માનહાની કેસ : ભાજપ અગ્રણી કપિલ મિશ્રાએ દિલ્હીના સ્વાસ્થ્ય મંત્રી સત્યેન્દ્ર જૈનની બિનશરતી માફી માંગી : ફરીથી એવું નહીં થાય તેવી ખાતરી આપ્યા પછી કેસ માંડવાળ કરાયો : 2017 ની સાલમાં દિલ્હીના મુખ્યમંત્રી કેજરીવાલને 2 કરોડ રૂપિયાની લાંચ આપ્યાનો આક્ષેપ કર્યો હતો access_time 5:48 pm IST

  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST