Gujarati News

Gujarati News

સમાચાર રાજકોટ
News of Thursday, 29th October 2020

ઇપીએફ-૯૫ પેન્શનમાં વધારો કરવા વિપક્ષી નેતાની માંગ

સીનીયર સિટીજનોને મોંઘવારીમાં હાલત કફોડી : કુટુંબનું ભરણપોષણ કરવા અને માંદગી અને દવાના ખર્ચા પણ નીકળતા નથી જેથી રૂ.૭૫૦૦/-જેટલું પેન્શન આપો : વશરામભાઇ સાગઠીયા

રાજકોટ,તા.૨૯ : રાજકોટ મહાનગરપાલિકાના વિરોધપક્ષના નેતા વશરામભાઈ સાગઠીયાની અખબારી યાદીમાં જણાવ્યું છે કે હાલ કોરોના મહામારીની સ્થિતિઓમાં લોકડાઉન, મોંધવારી, નોટબંધી, બેંક લોનના હપ્તા, મકાન ભાડા, મોંઘા શાકભાજી, દવામાં ભાવવધારો વગેરે જેવી અનેક પરિસ્થિતિઓમાં પેન્શનરો ત્રાહિમામ પોકારી ગયા છે તેમજ કર્મચારી મંડળો અનેક જગ્યાએ રજુઆતો કરેલ છે તેમ છતાં પેન્શન બાબતે કોઈ જ નિર્ણય લેવાયો નથી ત્યારે EPF મેળવતા  પેન્શનરોની હાલત કફોડી થઇ છે.

આ EPF-1995 પેન્શનરો બોર્ડ, નિગમ, અને અસંગઠિત ક્ષેત્રના નિવૃત સરકારી કર્મચારીઓને સરકારે હળાહળ અન્યાય કર્યો છે તેમજ વડાપ્રધાન શ્રી નરેન્દ્ર મોદી દ્વારા માર્ચ-૨૦૨૦માં રૂ.૭૫૦૦/- આપવા માટે યુનિયનની રજૂઆતને ખાતરી આપી હતી પરંતુ, આજદિન સુધી કોઈ જ સહાય કે પેન્શન મળેલ નથી.

આ સ્કીમમાં આશરે ૬.૫ લાખ કર્મચારીઓ છે જેઓને માસિક રૂ.૩૦૦/- થી રૂ.૨,૦૦૦/- સુધી પેન્શન ચૂકવાઈ રહ્યું છે અને હાલની મોંઘવારીને ધ્યાને રાખી રૂ.૭૫૦૦/- જેટલું પેન્શન ચૂકવવા વ્યાપક માંગ ઉઠી છે જેને ધ્યાને લઇ સીનીયર સીટીજનો કુટુંબનું ભરણપોષણ, દવાના ખર્ચા, મોંઘવારી, બેંક લોનના હપ્તા સહિતની સમસ્યાઓમાં સરકાર તરફથી આર્થિક સહાય આપી મદદરૂપ બને અને માનવીય અભિગમ અપનાવી ઉકેલ લાવે તેવી વિરોધપક્ષના નેતા વશરામભાઈ સાગઠીયાએ માંગ કરી છે.

(4:07 pm IST)
છેલ્લા 8 દિવસમાં સૌથી લોકપ્રિય
સમાચાર ફટાફટ

  • માનહાની કેસમાં દિલ્હીના મુખ્યમંત્રી કેજરીવાલને ક્લિનચીટ : 2016 ની સાલમાં દિલ્હીના ભાજપ સાંસદ રમેશ બિધુડીએ માનહાની કેસ કર્યો હતો : કેજરીવાલે ન્યુઝ ચેનલમાં આપેલા ઇન્ટરવ્યૂ વખતે પોતાને બદનામ કરતું નિવેદન આપ્યાનો આરોપ હતો : દિલ્હીની રાઉસ એવન્યુ અદાલતે આપેલા ચુકાદાથી ફરિયાદીને ઝટકો access_time 7:12 pm IST

  • કેન્દ્રીય મંત્રી સ્મૃતિ ઈરાની કોરોના સંક્રમિત : બિહાર ચૂંટણી કમપેનમાં શામેલ સ્મૃતિ ઈરાનીએ સંપર્કમાં આવેલા લોકોને ટેસ્ટ કરાવી લેવા ટ્વીટર દ્વારા જાણ કરી access_time 7:03 pm IST

  • સૂર્યકુમાર અને બુમરાહને લીધે મુંબઇ પહોંચ્યુ પ્લે-ઓફમાં : ઓસ્ટ્રેલિયાના પ્રવાસમાં સ્થાન ન આપીને પસંદગીકારોએ ભુલ કરી હોવાનો મુંબઇના બેટસમેન કરાવ્યો અહેસાસ, બેન્ગલોરને પાંચ વિકેટથી કર્યુ પરાજિત access_time 2:41 pm IST

મુખ્ય સમાચાર
સમાચાર રાજકોટ
સૌરાષ્ટ્ર કચ્છ
સમાચાર ગુજરાત
દેશ-વિદેશ
એન. આર. આઈ. સમાચાર
ખેલ-જગત
ફિલ્મ જગત