Gujarati News

Gujarati News

News of Thursday, 29th October 2020

૫૪૮ સ્થળોએ મચ્છર દેખાતા નોટીસ : ૭૫ હજારનો દંડ

શહેરના વિવિધ વિસ્તારમાં મેલેરીયા વિભાગનું ચેકીંગ : મચ્છરજન્ય રોગચાળો અટકાવવા વન ડે-થ્રી-વોર્ડ અંતર્ગત ફોગીંગ : મચ્છર ઉત્પતિ સબબ ૯૬૨ સ્થળોએ તપાસ

રાજકોટ,તા. ૨૬: શહેરમાં મચ્છરજન્ય રોગચાળો ન ફેલાય તે માટે મ્યુ.કોપોર્રશેન દ્વારા વિવિધ વિસ્તારોમાં ફોગીંગ તથા મચ્છર ઉત્પતિ  સબબ ચેકીંગ ઝુંબેશ હાથ ધરવામાં આવી હતી. આ ચેકીંગ દરમિયાન કુલ ૯૬૨ પૈકી ૫૪૮ સ્થળોએથી મચ્છર ઉત્પતિ સબબ નોટીસ ફટકારી રૂ. ૭૫ હજારનાં દંડ વસુલવામાં આવ્યો હતો.

આ અંગે મ્યુ. કોર્પોરેશનની સતાવાર માહિતીમાં જણાવ્યા પ્રમાણે મચ્છરજન્ય રોગ ચાળો ન ફેલાય તે માટે દરેક વોર્ડના સંવેદનશીલ વિસ્તારમાં ફોગીંગ ઝુંબેશ કરવામાં આવેલ જે અંતર્ગત  ગત ૫ખવાડીયામાં આ પ્રિમાઈસિસ ના ચેકીંગ અભિયાન દરમ્યાન હોસ્પિટલ, ભંગારના ડેલા, બાંધકામ, હોટેલ સહિત ની અલગ – અલગ ૯૬૨ પ્રિમાઇસીસોમાં મચ્છર ઉત્૫તિ સબબ ચેકીંગ કામગીરી કરવામાં આવેલ. આ કામગીરી હેઠળ ૩૪૬ રહેણાંક તથા ૨૦૨ કોર્મશીયલ સહિત ૫૪૮ પ્રિમાઇસીસમાં મચ્છરના પોરા મળી આવતા અથવા મચ્છર ઉત્પતિ થાય તેવી બેદરકારી જોવા મળતા નોટીસ આ૫વાની તથા રૂ.૭૫,૫૦૦/- નો વહિવટી ચાર્જ વસુલાતની કામગીરી કરવામાં આવેલ.

આ કામગીરી મેયર બીનાબેન આચાર્ય, સ્ટેન્ડિંગ કમિટી ચેરમેન ઉદયભાઇ કાનગડ, કમિશનરશ્રી ઉદિત અગ્રવાલ તથા આરોગ્ય સમિતિના ચેરમેન જયમીન ઠાકરની સુચના અન્વયે તથા આરોગ્ય અધિકારી ડો. એલ. ટી. વાજા, નાયબ આરોગ્ય અધિકારી પી. પી. રાઠોડ તથા બાયોલોજીસ્ટ વૈશાલી રાઠોડ ના સુ૫રવિઝન હેઠળ રાજકોટ શહેરના તમામ  ૧૮ વોર્ડમાં સંવેદનશીલ વિસ્તારોમાં વેહીકલ માઉન્ટેન ફોગીંગ મશીન દ્વારા ફોગીંગ કામગીરી કરવામાં આવેલ છે.

(4:06 pm IST)
  • દિલ્હીમાં એર પોલ્યુશન સર્જનાર માટે જેલ અને જંગી દંડની જોગવાઇ: દિલ્હીનું હવામાન નિરંતર બદતર બનતું જાય છે ત્યારે દિલ્હી એનસીઆરમાં એર પોલ્યુશન માટે નવો કાયદો અમલમાં આવી રહ્યો છે. જેમાં હવાનું પ્રદૂષણ સર્જનાર માટે પાંચ વર્ષ સુધીની જેલની સજા અને એક કરોડ રૂપિયાના દંડની જોગવાઈ કરવામાં આવી છે. access_time 11:38 am IST

  • અમિતભાઈ શાહે ફોન કરી કેશુભાઈ પરિવારજનોને સાંત્વના પાઠવી : કેન્દ્રીય ગૃહમંત્રી અમિતભાઈ શાહે કેશુભાઈ પટેલના પરિવારજનોને ફોન કરી શોક વ્યકત કરતાં કહ્યું કે કેશુભાઈએ તેનું સમગ્ર જીવન ગુજરાતની જનતાની સેવામાં સમર્પિત કર્યુ હતું. તેમના પરિવારજનોને સાંત્વના પાઠવું છું. access_time 4:01 pm IST

  • મધ્ય પ્રદેશ પેટા ચૂંટણી : મહેંગાવમાં પ્રચાર માટે ગયેલા ભાજપના ફાયર બ્રાન્ડ નેતા ઉમાભારતીની સભામાં ખુરસીઓ ખાલી : સભાના સ્થળથી 25 કિલોમીટર દૂર હેલીકૉપટર ઉતરતા સ્થળ ઉપર પહોંચવામાં મોડું થયું : ગુસ્સે થઇ ભાષણ આપ્યા વિના પરત ફર્યા access_time 1:55 pm IST