Gujarati News

Gujarati News

News of Friday, 27th November 2020

રેલનગરમાં મહિકાના તલાટી મંત્રી ગૌરવભાઇ જોશીના ઘરમાંથી રૂ. ર૩ હજારના ઘરેણાની ચોરી

રાજકોટ તા. ર૭: રેલનગર પાછળ ક્રિષ્ના બંગ્લોઝમાં રહેતા મહીકા ગામના તલાટી મંત્રીના ઘરને તસ્કરોએ નિશાન બનાવી રૂ. ર૩,૮૦૦ની કિંમતના સોના-ચાંદીના ઘરેણા ચોરી જતા ફરિયાદ થઇ છે.

મળતી વિગત મુજબ રેલનગર ક્રિષ્ના બંગ્લોઝ-૩ શેરી નં. ર માં બ્લોક નં. બી/૩૭ માં રહેતા ગૌરવભાઇ દીલીપભાઇ જોશી (ઉ.વ. ર૬) એ પ્ર.નગર પોલીસ મથકમાં નોંધાવેલી ફરિયાદમાં જણાવ્યું છે કે, પોતે મહિકા ગામમાં તલાટી મંત્રી તરીકે ફરજ બજાવે છે. તા. ૩૧/૧૦ ના રાત્રે પોતે તથા પરિવારના સભ્યો ઘરના ઉપરના માળે સુતા હતા ત્યારે મોડી રાત્રે પોતાની સેન્ટ્રો કારનું સાઇરન વાગતા પોતાની નિંદર ઉડી જતા પોતે રૂમની બહાર નીકળી નીચે ગયા ત્યારે બારી ખુલ્લી હતી અને તેનો લોક તુટેલો અને હોલનો દરવાજાનો લોક ખુલેલો જોવા મળ્યો હતો. જેથી પોતે તપાસ કરતા નીચેના રૂમમાં રહેલા લાકડાના કબાટનું લોકર તુટેલું હતું. તેમાં જોતા સોનાની ચીપવાળા એક જોડી પાટલા અને એક જોડી ચાંદીની લકકી મળી રૂ. ર૩૮૦૦ની મતા જોવા ન મળતા ચોરી થઇ હોવાની ખબર પડી હતી બાદ ચોરી કરનાર કોઇ જાણ ભેદુ હોવાની શંકાના આધારે પોતે તપાસ કરતા કોઇ હકીકત ન મળતા પોતે ગઇકાલે પ્ર.નગર પોલીસ મથકમાં જાણ કરતા પોલીસે ગૌરવભાઇની ફરિયાદ દાખલ કરી પીએસઆઇ એ. એલ. ઝાલાએ તપાસ હાથ ધરી છે.

(2:49 pm IST)
  • હોસ્પિટલોમાં આગની ઘટનાઓ જરા પણ સ્વીકાર્ય નથી : સુપ્રિમ કોર્ટે પણ ચિંતા વ્યકત કરી : રાજકોટમાં કોવિડ હોસ્પિટલમાં લાગેલી આગમાં પાંચ કોરોનાના દર્દીઓના મૃત્યુ નિપજતા સુપ્રિમ કોર્ટે પણ ચિંતા વ્યકત કરતાં કહ્યુ છે કે હાઈકોર્ટ પણ સમગ્ર મામલાને નિહાળી રહ્યા છીએ. આ પ્રકારની ઘટનાઓ સ્વીકાર્ય નથી : અમે આખા દેશની સ્થિતિ પર માહિતી લઈ રહ્યા છીએ. access_time 1:07 pm IST

  • મહારાષ્ટ્ર સરકારનો મહત્વનો નિર્ણય : 30 હજાર સેક્સ વર્કર્સને દર મહિને 5 હજાર રૂપિયા આપશે : ઉપરાંત જેમના બાળકો સ્કૂલમાં અભ્યાસ કરે છે તેમને દર મહિને અઢી હજાર રૂપિયા વધુ અપાશે : રાજ્યના 32 જિલ્લાની 30 હજાર મહિલા સેક્સ વર્કર્સને આર્થિક સહાય માટે 51 કરોડ રૂપિયા ખર્ચવાનું આયોજન : મહિલા તથા બાળવિકાસ મંત્રી યશોમતી ઠાકુરની ઘોષણાં access_time 11:43 am IST

  • મહેબુબા મુફતી ફરી નજર કેદમાં : પુત્રી ઈલ્તીજાની જાહેરાત : કાશ્મીરના ભૂતપૂર્વ મુખ્યમંત્રી મહેબુબા મુફતીને આજે સવારે ફરીથી તેમના નિવાસસ્થાને નજર કેદ કરવામાં આવ્યા છે : મહેબુબા મુફતીની પુત્રી ઈલ્તીજાએ આ વાતની જાહેરાત કરી હતી : તેણે કહેલ કે શું આપણે આને લોકશાહી કહેશુ જયાં લોકોને વાણી સ્વતંત્રતા કે વિચારો વ્યકત કરવાનો પણ કોઈ અધિકાર નથી : જો કે સત્તાવાર હજુ સુધી આવી કોઈ જાહેરાત થઈ નથી access_time 1:08 pm IST