Gujarati News

રાજકોટઃ અહિંના કાલાવડ રોડ સ્થિત  આત્મીય યુનિવર્સિટીના કેમ્પસમાં આગામી તા.૨૯ના રવિવારે સવારે ૧૦ થી ૧૧ દરમિયાન 'પ્રકૃતિ વંદના'નો અદ્દભુત કાર્યક્રમ યોજાશે. આ કાર્યક્રમમાં દેશભરમાંથી પરિવારો વર્ચ્યુલી જોડાશે.

આત્મીય યુનિવર્સિટીના અધ્યક્ષ ત્યાગવલ્લભ સ્વામીજીની ખાસ ઉપસ્થિતિમાં યોજાનાર આ પ્રકૃતિ વંદનાના કાર્યક્રમ દરમિયાન સનાતન ભારતીય સાંસ્કૃતિમાં પોષક ગણાવાયેલા પાંચ તત્વો પૃથ્વી, અગ્નિ, જળ, વાયુ અને આકાશનું પૂજન કરવામાં આવશે. આ પ્રસંગે કુવા, નદી, તળાવ વગેરે જેવા જળ સ્ત્રોતો ઉપરાંત વૃક્ષો, ધરતી માતા, ગાય માતા, અગ્નિદેવ, સૂર્યદેવ, ચંદ્રદેવ વગેરેની પણ પૂજા કરવામાં આવશે.

આધુનિક હોવાના ભ્રમમાં આજે માણસ પ્રકૃતિના આ તત્વોના ઉપકરોને જાણે વિસરી ગયો છે. આ ઉપકરોનું પુનઃ સ્મરણ કરવા માટે તેમજ ખાસ કરીને બાળકોમાં નાનપણથી પ્રકૃતિના સંસ્કારો રોપવા માટે આ ભાવવંદના કાર્યક્રમનું કરાયું છે.

આ પ્રસંગે આત્મીય યુનિવર્સિટીના અધ્યાપકો, બાળકો, હરિભકતો અને શહેરીજનો ઉપસ્થિત રહેશે. કાર્યક્રમનું યુ- ટયુબના માધ્યમથી જીવંત પ્રસારણ કરવામાં અવનાર છે.

બ્રહ્મસ્વરૂપ હરિપ્રસાદ સ્વામીજી વૃક્ષ અને ગૌ સંવર્ધન માટે હંમેશા પ્રેરણા આપતા રહેતા હતા. પ્રકૃતિ સાથે હરિપ્રસાદ સ્વામી જઈને ખુબ આત્મીયતા હતી એ દ્રષ્ટિકોણથી પણ તેમના અક્ષરધામ ગમન બાદ પ્રકૃતિ વંદનાનો આ કાર્યક્રમ મહત્વપૂર્ણ ગણવામાં આવી રહ્યો છે. તેમ એક યાદીના અંતમાં જણાવાયું છે.