Gujarati News

રાજકોટ તા. ૨૮: વિનાયક વાટીકામાં રહેતાં અને પ્રાઇવેટ નોકરી કરતાં મોહિત હરિસિંહ સોલંકી (ઉ.વ.૨૩)ને સાંજે છએક વાગ્યે માયાણી ચોક મોમાઇ હોટેલ પાસે તેના મિત્ર જીલ જાનીએ વાત કરવા બોલાવ્યા બાદ જીલ સાથે આવેલા બે અજાણ્યા શખ્સોએ માર મારતાં સિવિલ હોસ્પિટલમાં દાખલ થતાં ચોકીના સ્ટાફે માલવીયાનગર પોલીસને જાણ કરી હતી.

મોહિતના કહેવા મુજબ તેણે પરિચિત જીલને રૂ. ચાલીસ હજાર ઉછીના આપ્યા હતાં. તેની સામે જીલે તેનો કેમેરો રાખવા આપ્યો હતો. ગઇકાલે જીલે પોતાને માયાણી ચોકમાં બોલાવી કેમેરો પાછો માંગતા પૈસા આપીને કેમેરો લઇ જજે તેમ કહેતાં  તે પૈસાની વ્યવસ્થા કરીને આવે છે તેમ કહી નીકળી ગયો હતો. એ પછી તેની સાથે આવેલા બે અજાણ્યા શખ્સે ઝઘડો કરી મારકુટ કરી હતી.