Gujarati News

રાજકોટ તા. ૨૬ : જામનગર રોડ બજરંગવાડી પોલીસ ચોકી પાસે થોરાળાના ગોકુલપરામાં રહેતા યુવાને ઝેરી દવા પી લેતા તેને સારવાર માટે સિવિલ હોસ્‍પિટલમાં ખસેડાયો છે.

મળતી વિગત મુજબ થોરાળાના ગોકુલપરામાં રહેતા કિરણ કિશોરભાઇ પરમાર (ઉ.૩૫) એ જામનગર રોડ પર બજરંગવાડી પોલીસ ચોકી પાસે ઝેરી દવા પી લેતા તેને સારવાર માટે સિવિલ હોસ્‍પિટલમાં ખસેડાયો છે. આ બનાવમાં કિરણ પ્રાઇવેટ નોકરી કરે છે. તેને સંતાનમાં એક પુત્રી છે. તેણે ત્રણ જેટલા વ્‍યકિતઓ પાસેથી એક લાખ વ્‍યાજે લીધા હતા. આ શખ્‍સો પૈસાની ઉઘરાણી કરતા કિરણભાઇએ આ પગલુ ભર્યુ હોવાનું તેના ભાઇએ આક્ષેપ કર્યો છે. આ અંગે ગાંધીગ્રામ પોલીસે તપાસ હાથ ધરી છે.